പരസ്‌പരം കരുത്തേകിയ പ്രണയം
Published on 22 January, 2018
ഭാവനയും നവീനും പ്രണയത്തിലാകുന്നത്‌ 2012 ല്‍ പുറത്തിറങ്ങിയ ആദ്യ കന്നഡ ചിത്രം റോമിയോയ്‌ക്ക്‌ ശേഷമാണ്‌. നവീനായിരുന്നു ഈ ചിത്രത്തിന്റെ നിര്‍മ്മാതാവ്‌. റോമിയോ ഹിറ്റായതോടെ നവീനും ഭാവനയും തമ്മിലുള്ള പ്രണയം ശക്തമായി.
പ്രതിസന്ധികളില്‍ മറ്റുള്ളവര്‍ക്ക്‌ ധൈര്യവും തണലും നല്‍കുന്നതാണ്‌ ഭാവനയുടെ പ്രകൃതമെന്നും ഈ മനോഭാവമാണ്‌ അവരെ മലയാള സിനിമയില്‍ വ്യത്യസ്‌തയാക്കുന്നതെന്നും അവരോട്‌ അടുപ്പമുള്ളവര്‍ പറയാറുണ്ട്‌. ഇരുവര്‍ക്കും ജിവിതത്തില്‍ അപ്രതീക്ഷിതമായി ഉണ്ടായ പ്രതിസന്ധികളിലും വേദനകളിലും പരസ്‌പരം താങ്ങും തണലുമായി നിന്നതാണ്‌ ഇരുവര്‍ക്കുമിടയില്‍ പ്രണയം ശക്തമാകാന്‍ കാരണമെന്ന്‌ ഭാവന ഒരിക്കല്‍ അഭിമുഖത്തില്‍ പറഞ്ഞിരുന്നു.
ഇരുവര്‍ക്കുമിടില്‍ പ്രണയം ശക്തമായ അവസരത്തിലാണ്‌ നവീന്റെ അമ്മ അര്‍ബുദ ബാധയെ തുടര്‍ന്ന്‌ മരണമടയുന്നത്‌. അമ്മയുടെ അപ്രതീക്ഷിത വേര്‍പാടില്‍ ആകെ തകര്‍ന്നു പോയ നവീന്‌ എല്ലാ മാനസിക പിന്തുണയും കരുതലും സ്‌നേഹവും നല്‍കി ഭാവന ഒപ്പം നിന്നു. പിന്നീട്‌ ഭാവനയുടെ അച്ഛന്റെ ആകസ്‌മിക മരണത്തില്‍ നവീനാണ്‌ ഭാവനയ്‌ക്ക്‌ സാന്ത്വനവും കരുത്തും തണലുമായി കൂടെ നിന്നത്‌. അപ്രതീക്ഷിത പ്രതിസന്ധികളില്‍ പരസ്‌പരം താങ്ങും തണലുമാകാന്‍ കഴിയുന്ന സുഹൃത്തുക്കളാണെന്ന്‌ തങ്ങളെന്ന്‌ ഇരുവര്‍ക്കും ബോധ്യമായി.
വിവാഹനിശ്ചയം വേഗത്തിലാക്കിയത്‌ നവീന്റെ ആഗ്രഹപ്രകാരമായിരുന്നു. കന്നഡ ആചാരപ്രകാരം നടത്തിയ ചടങ്ങില്‍ ഇരുവരും മോതിരം കൈമാറിയതിനു പുറമേ മാലയും അണിയിച്ചു. കഴിഞ്ഞ മാര്‍ച്ചിലായിരുന്നു വിവാഹ നിശ്ചയം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala