ഗാനത്തിനെതിരെ കേസ്: സ്വാതന്ത്ര്യത്തിന്മേലുള്ള കടന്നു കയറ്റമെന്നു ഒമര് ലുലു
Published on 14 February, 2018
കൊച്ചി: ഒരു അഡാര് ലൗവ് എന്ന ചിത്രത്തിലെ
മാണിക്യ മലരായ പൂവി എന്നു തുടങ്ങുന്ന ഗാനത്തില് പ്രവാചക
നിന്ദയുണ്ടെന്നാരോപിച്ച് കേസ് നല്കിയ സംഭവം ഏറെ വിഷമമുണ്ടാക്കിയെന്ന്
ചിത്രത്തിന്റെ സംവിധായകന് ഒമര് ലുലു.
ജബ്ബാറിക്ക 1978 ല് എഴുതിയ പാട്ടാണിത്. മുസ്ലീം പരിപാടികളിലും റിയാലിറ്റി
ഷോകളിലുമെല്ലാം സാധാരണമായി പാടാറുള്ള പാട്ടാണിത്. അശ്ലീല രംഗങ്ങളൊന്നും ആ
പാട്ടിനൊപ്പം ചേര്ത്തിട്ടില്ല. സ്കൂള് കൂട്ടികള് യൂണിഫോമിലിരുന്ന
പാട്ട് കേള്ക്കുന്ന രംഗം മാത്രമാണ്.
കേസ് ആവിഷ്കാര സ്വാതന്ത്ര്യത്തിന്മേലുള്ള കടന്നുകയറ്റമാണ്.
ഹൈദരാബാദ് പോലീസിലാണ് എഞ്ചിനീയറിങ് വിദ്യാര്ഥിയായ അബ്ദുള് മുഖീതിന്റെ
നേതൃത്വത്തില് ഒരു കൂട്ടം യുവാക്കള് പാട്ടിനെതിരെ കേസ് നല്കിയത്.
ഗാനരംഗത്തില് അഭിനയിച്ച് ഏറെ പ്രേക്ഷക പ്രശംസ ലഭിച്ച നടി പ്രിയാ
വാര്യരെയും സംവിധായകന് ഒമര്ലുലുവിനേയുമാണ് കേസില്
പ്രതിചേര്ത്തിരിക്കുന്നത്.
ഗാനം ഇംഗ്ലീഷിലേക്ക് താരതമ്യം ചെയ്തപ്പോള് അതില് പ്രവാചകനെ നിന്ദിക്കുന്ന
രംഗമുണ്ടെന്നാണ് ഫലഖ്നമ പോലീസ് സ്റ്റേഷനില് നല്കിയ പരാതിയില്
പറയുന്നത്. ഐപിസി സെക്ഷന് 295 പ്രകാരമാണ് കേസെടുത്തതെന്ന് ഫല്കനുമ
ഡെപ്യൂട്ടി പോലീസ് കമ്മീഷണര് വി.സത്യനാരായണ അറിയിച്ചു
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല