Image

കേരളാ സമാജം ഓഫ് സൗത്ത് ഫ്‌ളോറിഡയുടെ മുപ്പത്തഞ്ചാം വാര്‍ഷികാഘോഷങ്ങള്‍ മാര്‍ച്ച് 3 ന്

ജോയിച്ചന്‍ പുതുക്കുളം Published on 19 February, 2018
കേരളാ സമാജം ഓഫ് സൗത്ത് ഫ്‌ളോറിഡയുടെ മുപ്പത്തഞ്ചാം വാര്‍ഷികാഘോഷങ്ങള്‍ മാര്‍ച്ച് 3 ന്
മയാമി : കേരളാ സമാജം ഓഫ് സൗത്ത് ഫ്‌ളോറിഡ മുപ്പത്തഞ്ചാമത് വാര്ഷികാഘോഷനിറവില്‍ . മാര്‍ച്ച് 3 ന് വൈകിട്ട് 6 മണിക്ക് കലയുടെ നൂപുര സന്ധ്യക്ക് തിരിതെളിയുന്നു .ഇനി മയാമി മലയാളികളുടെ ഉത്സവകാലം .എന്നും പുതുമയുടെ വസന്തം നിങ്ങള്‍ക്കായി ഒരുക്കുന്ന കേരളാ സമാജം ഈ വര്‍ഷവും ഒട്ടേറെ മികവാര്‍ന്ന കലാസന്ധ്യകള്‍ നിങ്ങള്‍ക്കായി ഒരുക്കുന്നു.

മാര്‍ച്ച് 3 വൈകിട്ട് 5 .30 നു ജനറല്‍ ബോഡിയോടുകൂടി പരിപാടികള്‍ ആരംഭിക്കും ഉത്ഘാടന പരിപാടികള്‍ 7 മണിക്കു നടക്കും. ചടങ്ങില്‍ കേരളസമാജം പോഷക സംഘടനകളായ വിമെന്‍സ് ഫോറം , കിഡ്‌സ് ക്ലബ് , യൂത്ത് ക്ലബ് എന്നിവയുടെ പ്രതിനിധികളെ സദസ്സിനു പരിചയപ്പെടുത്തും .

കേരളസമാജത്തിന്റെ 2018 ലെ പ്രധാന പരിപാടികളിലൊന്നായ “ചിത്രശലഭങ്ങള്‍” എന്ന സ്‌റ്റേജ്‌ഷോയുടെ കിക്കോഫും ചടങ്ങില്‍ നടക്കും .

തുടര്‍ന്ന് സൗത്ത് ഫ്‌ളോറിഡയുടെ സ്വന്തം കലാകാരന്മാര്‍ അണിനിരക്കുന്ന “ശ്രുതിലയ “യുടെ ഗാനസന്ധ്യ അരങ്ങേറും .ഇക്കുറി Tamarac Communtiy Center ല്‍ ആണ് പരിപാടികള്‍ നടക്കുക . വിലാസം : 8601 W Commercial Blvd Tamarac – 33351 . പരിപാടികളിലേക്ക് എല്ലാ മലയാളികളെയും സ്വാഗതം ചെയുന്നതായി പ്രസിഡന്റ് സാം പറത്തുണ്ടില്‍ സെക്രട്ടറി പത്മകുമാര്‍ എന്നിവര്‍ അറിയിച്ചു .

കൂടാതെ കേരളസമാജം മതേര്‍സ് ഡേ ആഘോഷങ്ങള്‍ മെയ് 12 നും , തെന്നിന്ത്യന്‍ വാനമ്പാടി ശ്രീമതി കെ. എസ്. ചിത്രയുടെ സംഗീത പരിപാടി ” ചിത്രശലഭങ്ങള്‍ ” മെയ് 25 നും , പതിമൂന്നാമതു നെഹ്‌റു ട്രോഫി വള്ളംകളി മെയ് 26 നും നടക്കും .

പത്മകുമാര്‍. കെ.ജി അറിയിച്ചതാണിത്.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക