മമ്മൂട്ടിയുടെ സൂപ്പര്‍ ഹിറ്റ്‌ ചിത്രം കോട്ടയം കുഞ്ഞച്ചന്റെ രണ്ടാം ഭാഗമെത്തുന്നു എന്ന വാര്‍ത്ത ആഘോഷമാക്കിയിരിക്കുകയാണ്‌ സോഷ്യല്‍ മീഡിയ. കുഞ്ഞച്ചന്റെ രണ്ടാം വരവിനെപ്പറ്റി ധാരാളം ട്രോളുകളാണ്‌ ഇറങ്ങികൊണ്ടിരിക്കുന്നത്‌.

 ആട്‌ 2 വിന്റെ നൂറാം ദിന ആഘോഷ പരിപാടികള്‍ക്കിടെയാണ്‌ കോട്ടയം കുഞ്ഞച്ചന്‍ രണ്ടാം ഭാഗം അനൗണ്‍സ്‌ ചെയ്‌തത്‌. രണ്ടാം ഭാഗമൊരുക്കുന്നത്‌ െ്രെഫഡേ ഫിലിംസിന്റെ ബാനറില്‍ വിജയ്‌ ബാബുവാണ്‌. ആട്‌ ടു എന്ന ചിത്രത്തിന്റെ വിജയത്തിന്‌ പിന്നാലെ മിധുന്‍ മാനുവല്‍ തോമസാണ്‌ ചിത്രം സംവിധാനം ചെയ്യുന്നത്‌.

സുനിത പ്രൊഡക്ഷന്‍സിന്റെ ബാനറില്‍ എം മണി നിര്‍മ്മിച്ച്‌ ടി എസ്‌ സുരേഷ്‌ ബാബു സംവിധാനം ചെയ്‌ത്‌ 1990ല്‍ പുറത്തിറങ്ങിയ കോട്ടയം കുഞ്ഞച്ചന്‍ ഇന്നും പ്രേക്ഷക മനസ്സുകളില്‍ നിറഞ്ഞു നില്‍ക്കുന്ന ചിത്രമാണ്‌.