ഈസ്റ്റര് വിശ്വാസികള്ക്ക് ഈശ്വരന്െറ
വിജയവും വിശ്വസിക്കാത്തവര്ക്ക് കെട്ടുകഥയുമാണ്. ശ്രീയേശു മനുഷ്യനായി
അവതരിച്ച ദൈവമാണെന്ന് ഞാന് വിശ്വസിക്കുന്നു. അതുകൊണ്ട് പുനരുത്ഥാനം
എനിക്ക് അത്ഭുതം പകരുന്നില്ല. യുക്തിയും എന്നെ സഹായിക്കുന്നുണ്ട്
ഇക്കാര്യത്തില്. യേശുക്രിസ്തു എന്നൊരാള് ഒരിക്കലും ജീവിച്ചിട്ടേയില്ല
എന്ന് വാദിക്കുന്നവരുടെ യുക്തിയിലും യേശുക്രിസ്തു പുനരുത്ഥാനം ചെയ്തില്ല
എന്ന് വാദിക്കുന്നവരുടെ യുക്തിയിലും ഒരു യുക്തിയും ഞാന് കാണുന്നില്ല.
ഒന്നുകില് മരിക്കാത്ത താന് മരിച്ചതിനുശേഷം പുനരുത്ഥാനം ചെയ്തു എന്നു
ഭാവിച്ച കൊടുംവഞ്ചകന്. അല്ലെങ്കില് അവതാരപുരുഷന്. മറ്റൊരു നിലപാട്
യുക്തിഭദ്രമല്ല.അത് എന്െറ വിശ്വാസം. മുസ്ലിംകള് ശ്രീയേശുവിന്െറ
പുനരുത്ഥാനത്തില് വിശ്വസിക്കാതിരിക്കുന്നത് അവരുടെ സ്വാതന്ത്ര്യം.
കൂര്മാവതാരത്തില് വിശ്വസിക്കാതിരിക്കുന്നത് എന്െറ സ്വാതന്ത്ര്യം
എന്നതുപോലെ.
വിശ്വാസത്തിന് യുക്തി വേണ്ട. നിരാകാരനായ ദൈവം തന്െറ സ്വരൂപത്തിലും
സാദൃശ്യത്തിലും മണ്ണില്നിന്ന് നിര്മിച്ചാണ് ആദിമനുഷ്യനെ സൃഷ്ടിച്ചത് എന്ന
ബൈബിള് ഭാഷ്യത്തിന് യുക്തി തേടരുത്. സ്വന്തം അപൂര്ണതകള് തിരിച്ചറിഞ്ഞ
മനുഷ്യന് തന്െറ സ്വപ്നങ്ങളെ ഗതകാല സത്യമായി അവതരിപ്പിച്ചതാണ് ബൈബിളിലെ
സൃഷ്ടിപുരാണം എന്ന അഭിപ്രായം ആദ്യം പറയുന്നത് ഞാനല്ല. ബൈബിള്
അക്ഷരാര്ഥത്തില് പദാനുപദം വ്യാഖ്യാനിക്കപ്പെടാനുള്ളതാണ് എന്നു
കരുതുന്നവരൊഴികെ മറ്റാരും ഇപ്പോള് അങ്ങനെ പറയാറില്ല. എന്നാല്, അതുകൊണ്ട്
വിശ്വാസം വിശ്വാസം അല്ലാതാകുന്നില്ല. ദൈവം സൃഷ്ടിച്ചു എന്നതാണ് വിശ്വാസം.
ദൈവം എങ്ങനെ സൃഷ്ടിച്ചു എന്ന് വിവരിക്കാന് ശ്രമിക്കുന്ന പുരുഷന്
മുലപ്പാലിന് ഉപ്പുണ്ടോ എന്ന് പരിശോധിക്കുന്ന ഭോഷനാണ് എന്നത് എന്െറ
വിശ്വാസം. എന്നാല്, വിശ്വാസത്തെ യുക്തി ചിലപ്പോള് ബലപ്പെടുത്തി എന്നു
വരാം. കാഹളം ഊതുമ്പോള് മതില് ഇടിഞ്ഞുവീഴാം എന്ന ഊര്ജതന്ത്രപാഠം യറീഹോ
നഗരത്തിന്െറ പതനത്തെക്കുറിച്ചുള്ള ബൈബിള് പാഠത്തെ ബലപ്പെടുത്തുമ്പോലെ.
പുനരുത്ഥാനം എന്ന വിശ്വാസത്തെ ബലപ്പെടുത്തുന്ന യുക്തികള് ‘വേദശബ്ദ
രത്നാകരം’ എന്ന ഭാഷാ ഇന്സ്റ്റിറ്റിയൂട്ട് പ്രസിദ്ധീകരണത്തില്
വായിക്കാവുന്നതാണ്. ജാഗ്രതയോടെ കാവല് നിന്നവര് കാണാതെ മൃതദേഹം
മാറ്റാനാവുമോ, മാറ്റിയതാണെങ്കില് ശിഷ്യന്മാര് പുനരുത്ഥാനമാണ് തങ്ങളുടെ
സുവിശേഷത്തിന്െറ മര്മം എന്ന് പറഞ്ഞപ്പോള് മാറ്റിയതിന് തെളിവ് നിരത്തി
അവരുടെ വായ് മൂടിക്കെട്ടാമായിരുന്നില്ലേ, മൃതപ്രായനായ യേശു ബോധം
തെളിഞ്ഞപ്പോള് ആരുമറിയാതെ സ്ഥലംവിട്ടു എങ്കില് എവിടെപ്പോയി എന്നതിന്
ബൈബിളിന് തുല്യമെങ്കിലുമായ വിശ്വാസ്യത പേറുന്ന വിശദീകരണം വേറെ ഉണ്ടോ,
പില്ക്കാലത്ത് എങ്ങനെ മരിച്ചു എന്ന് ആരെങ്കിലും പറഞ്ഞുതരുമോ, പുനരുത്ഥാനം
ചെയ്തവനെ നേരില് കണ്ട പത്ത് വ്യത്യസ്ത വിവരണങ്ങള് ഭ്രാന്താണ് എന്ന്
പറയാമോ, വേലക്കാരിയുടെ മുന്നില് ചൂളിപ്പോയവന് പുനരുത്ഥാനത്തിനു ശേഷം
മഹാപുരോഹിതനെ വെല്ലുവിളിക്കാന് ധൈര്യപ്പെട്ടതെങ്ങനെ വിശ്വസിക്കുന്നവരുടെ ഈ
ചോദ്യങ്ങള്ക്ക് വിശ്വസിക്കാത്തവര്ക്ക് മറുപടി ഉണ്ടാകാം. വിശ്വാസിക്ക് ആ
മറുപടി ഒരിക്കലും തൃപ്തികരമായി തോന്നിയതായി ചരിത്രം പറയുന്നില്ല. അവരവരുടെ
വിശ്വാസം അവരവരെ രക്ഷിക്കട്ടെ. ശ്രീയേശു കുരിശില് മരിക്കുകയും പുനരുത്ഥാനം
ചെയ്യാതിരിക്കുന്നതുമാവുമായിരുന്നു ഭാരതീയ മനസ്സുകള്ക്ക് കൂടുതല്
സ്വീകാര്യം എന്ന് പറഞ്ഞത് രംഗനാഥാനന്ദ സ്വാമികള് ആയിരുന്നു (എന്നാണോര്മ).
പരിത്യാഗമാണ് വിജിഗീഷുഭാവത്തെക്കാള് നമ്മുടെ ആദരവ് നേടുന്നത് എന്നതാണ്
ഇപ്പറഞ്ഞതിലെ യുക്തി.
ക്രിസ്തു (മിശിഹാ) ഇനിയും ജനിച്ചിട്ടില്ല എന്ന് വിശ്വസിക്കുന്ന
യഹൂദര്ക്കും ക്രിസ്തു (യേശു) മരിച്ചിട്ടില്ല എന്ന് വിശ്വസിക്കുന്ന
മുസ്ലിംകള്ക്കും യേശു ക്രിസ്തു മരിക്കുകയും ഉയിര്ക്കുകയും ചെയ്തു എന്ന്
വിശ്വസിക്കുന്ന ക്രിസ്ത്യാനികള്ക്കും ഊഷരതയില്നിന്ന് ഉര്വരതയിലേക്കുള്ള
മോക്ഷയാത്രയാണ് ഈസ്റ്റര് എന്ന് വിശ്വസിക്കുന്നവര്ക്കും എല്ലാം
സ്വീകാര്യമായ പാഠങ്ങള് ഈസ്റ്ററില് ഉണ്ട് എന്നതാണ് തിരിച്ചറിയേണ്ട സത്യം.
കഥ കപോലകല്പിതമോ യാഥാര്ഥ്യമോ എന്നത് ഉത്തരം തേടുന്ന പ്രഹേളികയായി
തുടര്ന്നുകൊള്ളട്ടെ.
യോഹന്നാന്െറ സുവിശേഷത്തില് ഇങ്ങനെ വായിക്കാം: ‘‘എന്നാല് മറിയ...
കരയുന്നതിനിടയില് അവര് കല്ലറയില് കുനിഞ്ഞുനോക്കി... അവര് പിന്നോക്കം
തിരിഞ്ഞ് യേശു നില്ക്കുന്നത് കണ്ടു; യേശു എന്നറിഞ്ഞില്ല താനും (അധ്യായം
20, വാക്യങ്ങള് 11, 14).
പാഠം രണ്ട്. ഈശ്വരന് നമ്മെ കാത്തുനില്ക്കുന്നുണ്ട്. ഒഴിഞ്ഞ
കല്ലറകളില്നിന്ന് ദൃഷ്ടി പിന്വലിച്ച് തന്നിലേക്ക് തിരിഞ്ഞുവരുന്ന
മനുഷ്യനായി ഈശ്വരന് ക്ഷമയോടെ കാത്തുനില്ക്കുന്നുണ്ട്. എന്നു നാം ഒഴിഞ്ഞ
കല്ലറകളെയും മിഥ്യാമൂര്ത്തികളെയും പിന്നിലാക്കി തിരിയുന്നുവോ
അന്നുമാത്രമാണ് ഈശ്വരന് നമ്മുടെ ദൃഷ്ടിപഥത്തില് പ്രത്യക്ഷപ്പെടുക.
പാഠം മൂന്ന്. നാം തിരിഞ്ഞാല് മാത്രം പോരാ. ഒഴിഞ്ഞ കല്ലറ സമ്മാനിച്ച
നഷ്ടബോധം മിഴിനീരായി പ്രവഹിച്ചപ്പോള് നമ്മുടെ കാഴ്ച മങ്ങി. അതുകൊണ്ട്
ഈശ്വരനെ കണ്ടാല് തോട്ടക്കാരനാണ് എന്നു തോന്നും. കണ്ണീരിന്െറ മൂടല്
മാറണം. അതിന് സഹായിക്കുന്നത് ഈശ്വരന് തന്നെയാണ്. അവിടുന്ന് നമ്മെ
വിളിക്കുമ്പോള് നാം അവിടുത്തെ തിരിച്ചറിയും. അതിനുമുണ്ട് ഒരു വ്യവസ്ഥ. നാം
വിളിപ്പാടിനുള്ളിലായിരിക്കണം. നമ്മുടെ ശ്രവണശക്തി അന്യൂനമായിരിക്കണം.
കവടിയാറില്നിന്ന് വിളിച്ചാല് കുറവന്കോണത്ത് എങ്ങനെ കേള്ക്കും അതിനും
വഴിയുണ്ട്. കവടിയാറിലെ പ്രക്ഷേപണകേന്ദ്രത്തിന്െറ ഫ്രീക്വന്സി
പിടിച്ചെടുക്കാന് പോന്ന ഒരു റേഡിയോ കുറവന്കോണത്ത് ഉണ്ടാവണം; ആ
റേഡിയോയില് ഊര്ജം ഉണ്ടാകണം; അത് തുറന്നുവെക്കണം; കവടിയാറിലേക്ക് ട്യൂണ്
ചെയ്യണം; നിത്യപരിശീലനത്തിലൂടെ ഫൈന്ട്യൂണ് ചെയ്യണം. അത്രയും മനുഷ്യന്
ചെയ്യുമെങ്കില് അവന് ദൈവശബ്ദം കേള്ക്കാനാവും. അതിന് നമ്മെ
സഹായിക്കുന്നവരാണ് പ്രവാചകന്മാര്. അവര് കൂടുതല് വ്യക്തമായി
കേള്ക്കുകയും കേട്ടത് സ്ഫുടമായി പ്രചരിപ്പിക്കുകയും ചെയ്യാന് ദൈവം
തിരഞ്ഞെടുക്കുന്നവരാണ്. നമ്മുടെ ശ്രവണശക്തിയുടെ പോരായ്മകള് നികത്തുന്ന
ഉച്ചഭാഷിണികളാണ് അവര്. ‘ഇവന് ചെവികൊടുക്കുക’ എന്ന് തേജസ്കരണമലയില് കേട്ട
ശബ്ദം ഇപ്പോള് ഓര്ക്കാം. അത് ശ്രീബുദ്ധനാവട്ടെ, ശ്രീയേശുവാകട്ടെ, അബ്രഹാം
മുതല് നബിതിരുമേനി വരെയുള്ള ഏതു പ്രവാചകനും ആയിക്കൊള്ളട്ടെ; നാം
ഈശ്വരന്െറ ശബ്ദത്തിനായി കാതോര്ക്കുക.
ഇതാണ് ഈസ്റ്ററിന്െറ സന്ദേശം. ആരോപിതസംഭവത്തിന്െറ നിജസ്ഥിതി
വിശ്വാസികള്ക്ക് മാത്രമാണ് പ്രധാനം. നാം തര്ക്കത്തിന് നില്ക്കേണ്ട.
നമുക്ക് പ്രധാനം മറ്റൊന്നാണ്. ഒഴിഞ്ഞ കല്ലറകളില് ആശ്വാസം തേടാതിരിക്കുക;
സ്വന്തം പരിഹാരമാര്ഗങ്ങള് പരാജയപ്പെടുമ്പോള് ഉണ്ടാകുന്ന കണ്ണീര്
സൃഷ്ടിക്കുന്ന മറകളെ അതിജീവിക്കുക; അതിനായി ഈശ്വരന് വിളിക്കുമ്പോള്
കേള്ക്കാനും ആ ശബ്ദം തിരിച്ചറിയാനും പ്രാപ്തരാവുക. റബ്ബുല് ആലമീനായ
തമ്പുരാന് നമ്മുടെ തിരിഞ്ഞുനോട്ടത്തിനായി ക്ഷമാപൂര്വം
കാത്തുനില്ക്കുന്നു. സര്വശക്തനിലേക്ക് തിരിയുക.
If anyone is convinced that humans are just flesh and blood, there is no scientific way to disprove it. Nor is it possible to disprove, he/she is something more than that. Science has taken on an unending pursuit of proving or disproving the existence of God. It is just like showing a five dimensioned substance on a plain surface. There are laws that does not conform to the laws that we are aware of...at least for the time being. Try to use the logic of a person living in prehistoric age. He believed one day he is going to reach the moon that he saw on a starry night. The unbelieving (atheists etc..) vehemently opposed to the idea saying that he has no proof of it. Time goes on my friends.. Believe... and it will fetch you the utter circumference of truth.
Jesus told the sister of the dead Lazarus:
Jesus saith unto her, Said I not unto thee, that, if thou wouldest believe, thou shouldest see the glory of God? John 11:40.
The real question is: "Do you dare to believe??