Image

ലോയ വിധിക്ക്‌ പിന്നാലെ സുപ്രീംകോടതി വെബ്‌സൈറ്റ്‌ ഹാക്ക്‌ ചെയ്‌തു

Published on 19 April, 2018
 ലോയ വിധിക്ക്‌ പിന്നാലെ സുപ്രീംകോടതി വെബ്‌സൈറ്റ്‌ ഹാക്ക്‌ ചെയ്‌തു

ന്യൂഡല്‍ഹി: ജസ്റ്റിസ്‌ ലോയയുടെ മരണത്തില്‍ സ്വതന്ത്ര അന്വേഷണം വേണ്ടെന്ന വിധിക്ക്‌ പിന്നാലെ സുപ്രീംകോടതിയുടെ വെബ്‌സൈറ്റ്‌ ഹാക്ക്‌ ചെയ്‌തു. ഹൈടെക്ക്‌ ബ്രസീല്‍ ഹാക്ക്‌ ടീമാണ്‌ ഇതിന്‌ പിന്നില്‍. നിലവില്‍ സൈറ്റ്‌ ഓഫ്‌ലൈനിലാണുള്ളത്‌.

2013-ല്‍ ഇന്ത്യന്‍ സൈറ്റുകളടക്കം നൂറുകണക്കിന്‌ വെബ്‌സൈറ്റുകള്‍ ഹൈടെക്ക്‌ ബ്രസീല്‍ ഹാക്ക്‌ ടീം ഹാക്ക്‌ ചെയ്‌തിട്ടുണ്ട്‌.

സി ബി ഐ പ്രത്യേക കോടതി ജഡ്‌ജി ജസ്റ്റിസ്‌ ബി എച്ച്‌ ലോയയുടെ മരണത്തില്‍ സ്വതന്ത്ര അന്വേഷണം വേണമെന്ന പൊതുതാല്‍പര്യ ഹര്‍ജികള്‍ കോടതി തള്ളിയതിന്‌ മിനിറ്റുകള്‍ക്കകമാണ്‌ വെബ്‌സൈറ്റ്‌ ഹാക്ക്‌ ചെയ്യപ്പെട്ടത്‌.

ചീഫ്‌ ജസ്റ്റിസ്‌ ദീപക്‌ മിശ്ര അധ്യക്ഷനായ മൂന്നംഗ ബെഞ്ചാണ്‌ ഹര്‍ജികള്‍ തള്ളിയത്‌. ജസ്റ്റിസ്‌ ഡി വൈ ചന്ദ്രചൂഡ്‌, എ എം ഖന്‍വില്‍ക്കര്‍ എന്നിവരാണ്‌ ബെഞ്ചിലെ മറ്റ്‌ അംഗങ്ങള്‍.

ബിജെപി അധ്യക്ഷന്‍ അമത്‌ ഷാ പ്രതിയായ ഗുജറാത്തിലെ സൊറാബുദ്ദീന്‍ ശൈഖ്‌ വ്യാജ ഏറ്റുമുട്ടല്‍ക്കേസിന്റെ വിചാരണയ്‌ക്കിടെ 2014 ഡിസംബര്‍ ഒന്നിന്‌ നാഗ്‌പുരിലെ ഹോട്ടലില്‍ ലോയയെ മരിച്ചനിലയില്‍ കണ്ടെത്തുകയായിരുന്നു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക