അമേരിക്കയിലെ പല ഇന്ത്യക്കാരുടേയും ജീവിതത്തിന്റെ നേര്ക്കാഴ്ച ഗോവിന്ദന് കുട്ടിയിലൂടെ വെളിപ്പെടുമ്പോള് പുതിയ വായനാനുഭൂതിയാണ് ലഭിക്കുന്നതെന്നും, സംഭവങ്ങളുടെ അവതരണത്തിലുള്ള മാത്യു നെല്ലിക്കുന്നിന്റെ രചനാ പാടവം നോവലിനെ വേറിട്ടു നിര്ത്തുന്നുവെന്നും ജഡ്ജിംഗ് കമ്മറ്റി ചൂണ്ടിക്കാട്ടി. മാത്യു നെല്ലിക്കുന്നിന്റെ രചനകള് പ്രവാസി മലയാളികളുടെ ജീവിതത്തിനോടും മലയാള നാടിനോടും ഏറെ ചേര്ന്നു നില്ക്കുന്നുവെന്നും കമ്മറ്റി ചൂണ്ടിക്കാട്ടി.
പ്രമുഖ സാഹിത്യ സാംസ്കാരിക പ്രവര്ത്തകര് പങ്കെടുത്ത ചടങ്ങില് കഥകളി പ്രതിഭ തോന്നക്കല് പീതാംബരന്, ചരിത്രകാരന് ഡി. ആന്റണി, അമ്പാടി സുരേന്ദ്രന്, അഡ്വക്കേറ്റ് കെ.പി. സജിനാഥ്, പി. ഉഷാകുമാരി, കൊല്ലം മധു തുടങ്ങിയവര് സംസാരിച്ചു.
പുരസ്കാര ജേതാവ് മാത്യു നെല്ലിക്കുന്ന് സമുചിതമായ മറുപടി പറയുകയും പുരസ്കാര യോഗ സംഘാടകര്ക്ക് നന്ദി രേഖപ്പെടുത്തുകയും ചെയ്തു.