ജമ്മു
കശ്മീര്: മെഹ്ബൂബ മുഫ്തി ജിഹാദി മുഖ്യമന്ത്രിയാണെന്ന് കത്വ കേസിലെ പ്രതിഭാഗം
അഭിഭാഷകന്. ഇന്ത്യന് എക്സ്പ്രസിനു നല്കിയ അഭിമുഖത്തിലാണ് അഭിഭാഷകന് അങ്കുര്
ശര്മയുടെ അപകീര്ത്തിപരമായ പരാമര്ശം.
' മെഹ്ബൂബ ജിഹാദിയാണ്. ഗോക്കളെ
കടത്തുന്നവര്ക്കും വധിക്കുന്നവര്ക്കും അവര് നിയമ പരിരക്ഷ നല്കുകയാണ്
ചെയ്യുന്നത്' - അങ്കുര് പറഞ്ഞു. ബക്കര്വാളുകളേയും ഗുജ്ജാറുകളേയും
ട്രൈബലുകളായാണ് മുഫ്തി പരിഗണിക്കുന്നത്.
എന്നാല് ജനസംഖ്യാപരമായ
മാറ്റമുള്പെടെയുള്ള അസ് ലാമിക് ഫാസിസ്റ്റ അജണ്ടകളെ പ്രോത്സാഹിപ്പിക്കുന്ന
രീതിയിലുള്ള പ്രവര്ത്തനമാണ് അവരുടേതെന്നും അങ്കുര് ആരോപിച്ചു. ബക്കര്വാളുകള്
നിഷ്ക്കളങ്കരും പാവങ്ങളുമാണെങ്കിലും ഹിന്ദുക്കള്ക്കെതിരാ വിഷം അവരില്
കുത്തുവെക്കപ്പെടുമെന്ന് അയാള് കൂട്ടിച്ചേര്ത്തു.