ജനനി (കവിത: ഐശ്വര്യ ബിജു)
Published on 30 April, 2018
തായെന്ന വാക്കിന്‍പൊരുളുകളെന്നും
നാനാതരമതവര്‍ണ്ണനീയം
അമ്മതന്നുദരത്തിലൊരുകുഞ്ഞുകോശമായ്
പറ്റിപ്പിടിച്ചു നാം മുകുളമായ്ത്തീരവേ
സന്തുഷ്ടയായി പ്രശാന്തമാം ലോകത്ത്
മനസാ ചരിച്ചു പ്രാര്‍ത്ഥനയോടമ്മ
പുണ്യമാമൊമ്പതുമാസങ്ങള്‍ നാമുള്ളില്‍
തത്തിക്കളിച്ചൊരു സ്വര്‍ഗ്ഗം ചമച്ചിടും
സന്തോഷസന്താപമെല്ലാമനുഭവി
ച്ചവയെല്ലാം നേര്‍ത്ത വരകളായ്‌ക്കോറി
പിന്നീടു ഭൂജാതയായീ ധരണിയില്‍
മാറോടമര്‍ന്നമൃതം നുകര്‍ന്നു നാം
പിച്ചവച്ചങ്ങനെ വളര്‍ന്നു വലുതായീടി
ലമ്മയൊരധികപ്പറ്റായിമാറീടും
വൃദ്ധസദനങ്ങളോരായിരമങ്ങനെ
യോരോരോ മുക്കിലും മുളച്ചുപൊങ്ങും
അമ്മതന്‍ചാരേ മയങ്ങിടുമ്പോള്‍
നമ്മളമ്മതന്‍ മൂല്യമറിയുകില്ലാ
വേര്‍പെട്ടുപോയാലാ ശൂന്യത മായ്ക്കുവാന്‍
ബ്രഹ്മാവുപോലുമശക്തനാകും
മാനസാ മാതാവിന്‍ കാല്‍തൊട്ടുവന്ദിച്ചു
മര്‍ത്ത്യാ തുടങ്ങുക നിന്‍പ്രയാണം.
നാനാതരമതവര്‍ണ്ണനീയം
അമ്മതന്നുദരത്തിലൊരുകുഞ്ഞുകോശമായ്
പറ്റിപ്പിടിച്ചു നാം മുകുളമായ്ത്തീരവേ
സന്തുഷ്ടയായി പ്രശാന്തമാം ലോകത്ത്
മനസാ ചരിച്ചു പ്രാര്‍ത്ഥനയോടമ്മ
പുണ്യമാമൊമ്പതുമാസങ്ങള്‍ നാമുള്ളില്‍
തത്തിക്കളിച്ചൊരു സ്വര്‍ഗ്ഗം ചമച്ചിടും
സന്തോഷസന്താപമെല്ലാമനുഭവി
ച്ചവയെല്ലാം നേര്‍ത്ത വരകളായ്‌ക്കോറി
പിന്നീടു ഭൂജാതയായീ ധരണിയില്‍
മാറോടമര്‍ന്നമൃതം നുകര്‍ന്നു നാം
പിച്ചവച്ചങ്ങനെ വളര്‍ന്നു വലുതായീടി
ലമ്മയൊരധികപ്പറ്റായിമാറീടും
വൃദ്ധസദനങ്ങളോരായിരമങ്ങനെ
യോരോരോ മുക്കിലും മുളച്ചുപൊങ്ങും
അമ്മതന്‍ചാരേ മയങ്ങിടുമ്പോള്‍
നമ്മളമ്മതന്‍ മൂല്യമറിയുകില്ലാ
വേര്‍പെട്ടുപോയാലാ ശൂന്യത മായ്ക്കുവാന്‍
ബ്രഹ്മാവുപോലുമശക്തനാകും
മാനസാ മാതാവിന്‍ കാല്‍തൊട്ടുവന്ദിച്ചു
മര്‍ത്ത്യാ തുടങ്ങുക നിന്‍പ്രയാണം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala