രാഷ്ട്രീയ കൊലപാതകം നടത്തുന്നവര് വിഡ്ഢികളെന്ന് സുപ്രീംകോടതി
Published on 01 May, 2018
ന്യൂഡല്ഹി: കണ്ണൂരിലെ കോണ്ഗ്രസ്
യുവനേതാവ് ഷുഹൈബിന്റെ കൊലപാതകത്തില് സിബിഐ അന്വേഷണം ഉടനില്ല. നിലവിലെ പൊലീസ്
അന്വേഷണം തുടരാമെന്ന് സുപ്രീംകോടതി വ്യക്തമാക്കി. സിബിഐ അന്വേഷണത്തിനുളള സ്റ്റേ
നീക്കണമെന്നാവശ്യം കോടതി തളളി. അന്തിമറിപ്പോര്ട്ട് നല്കുന്നത് തടയണമെന്ന
ഹര്ജിയിലെ ആവശ്യവും കോടതി തളളി.
അതേസമയം സിബിഐ അന്വേഷണത്തില് നിലപാട്
അറിയിക്കാന് സംസ്ഥാന സര്ക്കാരിനോട് കോടതി ആവശ്യപ്പെട്ടു. ഇതിന്റെ ഭാഗമായി കോടതി
സംസ്ഥാനസര്ക്കാരിന് നോട്ടീസ് അയച്ചു. സിബിഐ അന്വേഷണം വേണമെന്ന ഹര്ജി വിശദമായി
പരിശോധിക്കുമെന്നും കോടതി വ്യക്തമാക്കി.
രാഷ്ട്രീയ കൊലപാതകം
നടത്തുന്നവര് വിഡ്ഢികളെന്ന് പറഞ്ഞ സുപ്രീംകോടതി ഷുഹൈബ് വധക്കേസില് കുറ്റപത്രം
സമര്പ്പിക്കാനും പൊലീസിന് അനുമതി നല്കി. അതേസമയം സുപ്രീംകോടതിയുടെ ഉത്തരവ്
തിരിച്ചടിയല്ലെന്ന് മുതിര്ന്ന കോണ്ഗ്രസ് നേതാവ് കെ സുധാകരന്
പറഞ്ഞു
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല