തൂത്തുക്കുടി പ്രക്ഷോഭകര്ക്ക് പൂര്ണ പിന്തുണ നല്കി കമല ഹാസന്
Published on 04 June, 2018
ചെന്നൈ: തൂത്തുക്കുടി വിഷയത്തില് പ്രക്ഷോഭകര്ക്ക് പൂര്ണ പിന്തുണയുമായി
മക്കള് നീതി മയ്യം പാര്ട്ടി പ്രസിഡന്റും നടനുമായ കമലഹാസന്. പ്രക്ഷോഭത്തെ
കുറിച്ച് തമിഴ്നാട് മുഖ്യമന്ത്രി നടത്തിയ ട്വീറ്റിന് പിന്നാലെയാണ് കമലഹാസന്
തന്റെ നിലപാട് വ്യക്തമാക്കിയത്.
വേദാന്ത ഗ്രൂപ്പിന്റെ ഉടമസ്ഥതയിലുള്ള
കോപ്പര് സ്മെല്ട്ടര് പ്ലാന്റിനെതിരെ നടന്ന പ്രക്ഷോഭത്തില് സാമൂഹ്യ വിരുദ്ധ
ശക്തികള് നുഴഞ്ഞുകയറിയെന്നായിരുന്നു മുഖ്യമന്ത്രി ട്വീറ്റിലൂടെ പറഞ്ഞത്. ആ
സാമൂഹ്യ വിരുദ്ധ ശക്തികള് പോലീസിനെ ആക്രമിക്കുകയും അവരുടെ വാഹനങ്ങള്
അഗ്നിക്കിരയാക്കുകയും ചെയ്തു. പോലീസ് മുന് കുട്ടി തീരുമാനിച്ച പ്രകാരമല്ല
വെടിവെച്ചത്. ആത്മ സുരക്ഷയ്ക്കായാണ് പോലീസ് വെടിവെച്ചതെന്നും മുഖ്യമന്ത്രി
ട്വിറ്ററിലൂടെ പറഞ്ഞിരുന്നു.
പ്രക്ഷോഭകര് സാമൂഹ്യ വിരുദ്ധ ശക്തികള്
ആണെങ്കില് താനുമതെയെന്നായിരുന്നു ഇക്കാര്യത്തില് കമലഹാസന്റെ
പ്രതികരണം.
ഞാന് ഗാന്ധി ശിഷ്യനാണ്. ഞാനദ്ദേഹത്തെ കണ്ടിട്ടില്ല. അദ്ദേഹം
മരിച്ചതിന് ശേഷമാണ് ഞാന് ജനിച്ചത്. പ്രക്ഷോഭകര്ക്ക് ഒരു സ്വഭാവമുണ്ട്. ആ
സ്വഭാവം നമ്മള് ഗാന്ധിയില് നിന്നും പഠിക്കണം. കമലഹാസന് പറഞ്ഞു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല