മലയാള സിനിമാ മേഖലയിലെ താരസംഘടനയായ അമ്മയുടെ പ്രസിഡന്റ്
സ്ഥാനത്തേക്ക് മോഹന്ലാല് എത്തുമെന്ന് സൂചന. നിലവിലെ പ്രസിഡന്റ് ഇന്നസെന്റും
ജനറല് സെക്രട്ടറി മമ്മൂട്ടിയും സ്ഥാനമൊഴിഞ്ഞതായാണ് വിവരം.
ഈ മാസം 24ന്
കൊച്ചിയില് നടക്കുന്ന അമ്മ ജനറല് ബോഡി യോഗത്തില് ഇതുസംബന്ധിച്ച്
തീരുമാനമുണ്ടാകും. ജനറല് സെക്രട്ടറിയായി ഇടവേള ബാബുവും തിരഞ്ഞെടുക്കപ്പെട്ടേക്കാം.
നിലവിലെ പ്രസിഡന്റ് ഇന്നസെന്റിന്റെ ആവശ്യപ്രകാരമാണ് മോഹന്ലാല് പ്രസിഡന്റ്
സ്ഥാനത്തേക്ക് നോമിനേഷന് കൊടുത്തതെന്നാണ് സൂചന. എന്നാല് മറ്റൊരാള് ഈ
സ്ഥാനത്തേക്ക് മത്സരിക്കാന് നോമിനേഷന് കൊടുക്കുന്ന സാഹചര്യമുണ്ടായാല് താന്
പിന്മാറുമെന്ന് മോഹന്ലാല് അറിയിച്ചിട്ടുണ്ട്.
അതേസമയം, കൊച്ചിയില് നടി
ആക്രമിക്കപ്പെട്ട സംഭവത്തില് സംഘടനയ്ക്കെതിരെ പരസ്യമായി പ്രതികരിച്ച രമ്യ
നമ്ബീശനെതിരെയും പൃഥ്വിരാജിനെതിരെയും അച്ചടക്ക നടപടി കൈക്കൊള്ളാന്
തീരുമാനമായെന്നാണ് അറിയാന് കഴിയുന്നത്.