യുഡിഎഫില് ഇപ്പോള് സംഭവിച്ചുകൊണ്ടിരിക്കുന്ന കാര്യങ്ങള് ഗുണപരമായ ചില മാറ്റങ്ങള്ക്ക് കാരണമായേക്കുമെന്ന് കെ സുരേന്ദ്രന്
Published on 09 June, 2018
യുഡിഎഫില് ഇപ്പോള് സംഭവിച്ചുകൊണ്ടിരിക്കുന്ന കാര്യങ്ങള് ഗുണപരമായ ചില മാറ്റങ്ങള്ക്ക് കാരണമായേക്കുമെന്ന് ബിജെപി നേതാവ് കെ സുരേന്ദ്രന്. 'മതേതരപാര്ട്ടികളെ' വര്ഗ്ഗീയശക്തികള് മൂക്കുകൊണ്ട് ക്ഷ വരപ്പിക്കാന് തുടങ്ങിയിട്ട് കാലം കുറെയായെന്നും സുരേന്ദ്രന് ഫെയ്സ്ബുക്കില് കുറിച്ചു. കുറിപ്പിന്റെ പൂര്ണ്ണരൂപം കോണ്ഗ്രസ്സിലും യുഡിഎഫിലും ഇപ്പോള് സംഭവിച്ചുകൊണ്ടിരിക്കുന്ന കാര്യങ്ങള് കേരളത്തില് ഗുണപരമായ ചില മാറ്റങ്ങള്ക്ക് കാരണമായേക്കും. 'മതേതരപാര്ട്ടികളെ' വര്ഗ്ഗീയശക്തികള് മൂക്കുകൊണ്ട് ക്ഷ വരപ്പിക്കാന് തുടങ്ങിയിട്ട് കാലം കുറെയായി. ഇരുമുന്നണികളും തുടരുന്നത് ഒരേ നിലപാടുതന്നെ. ചെങ്ങന്നൂരില് എത്ര പച്ചയായാണ് ഈ വര്ഗ്ഗീയരാഷ്ട്രീയം ഇടതുമുന്നണി വിജയിപ്പിച്ചെടുത്തത്. ഇന്നിപ്പോള് കോണ്ഗ്രസ്സില് നടക്കുന്നതിനെതിരെ ആ പാര്ട്ടിയില്പ്പെട്ടവര് തന്നെ തള്ളിപ്പറയാന് തുടങ്ങിയിരിക്കുന്നു. പ്രതിഷേധങ്ങളെല്ലാം ചായക്കോപ്പയിലെ കൊടുങ്കാറ്റായിത്തീരുമെന്ന് പ്രതിഷേധിക്കുന്നവര്ക്കും അറിയാം. എന്നാല് പൊതുജനത്തിന് കാര്യം ബോധ്യപ്പെടാന് ഇതു സഹായകരമായി എന്നുള്ളതാണ് സത്യം. ഏതായാലും ഈ രാഷ്ട്രീയം ഇനി അധികകാലം കേരളം വെച്ചുപൊറുപ്പിക്കുമെന്ന് തോന്നുന്നില്ല, സുരേന്ദ്രന് കൂട്ടിച്ചേര്ത്തു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല