Image

ഇന്ത്യന്‍ നാഷണല്‍ ഓവര്‍സീസ് കോണ്‍ഗ്രസ് കണ്‍വന്‍ഷനും സമാദരണ സദസ്സും നടത്തി

ജോയിച്ചന്‍ പുതുക്കുളം Published on 11 June, 2018
ഇന്ത്യന്‍ നാഷണല്‍ ഓവര്‍സീസ് കോണ്‍ഗ്രസ് കണ്‍വന്‍ഷനും സമാദരണ സദസ്സും നടത്തി
ചാലക്കുടി : യുഎസ്എ ആസ്ഥാനമായുള്ള ഇന്ത്യന്‍ നാഷണല്‍ ഓവര്‍സീസ് കോണ്‍ഗ്രസ് കണ്‍വന്‍ഷനും ജീവകാരുണ്യപ്രവര്‍ത്തനങ്ങളുടെ ഉദ്ഘാടനവും സമാദരണ സദസ്സും നടത്തി. പ്രഫഷണല്‍ കോണ്‍ഗ്രസ് സംസ്ഥാന പ്രസിഡന്റ് ഡോ. മാത്യു കുഴല്‍നാടന്‍ ഉദ്ഘാടനം നിര്‍വഹിച്ചു.

ഇന്ത്യന്‍ നാഷണല്‍ ഓവര്‍സീസ് കോണ്‍ഗ്രസ് ഏര്‍പ്പെടുത്തിയ പ്രവാസി പുരസ്കാരം (11,111 രൂപ) ലാലുമോന്‍ ചാലക്കുടിക്ക് മുന്‍ എംപി കെ.പി. ധനപാലന്‍ സമര്‍പ്പിച്ചു. ഇന്ത്യന്‍ ഓവര്‍സീസ് കോണ്‍ഗ്രസ് ചിക്കാഗോ റീജിയന്‍ പ്രസിഡന്റ് വര്‍ഗീസ് പാലമലയില്‍ അധ്യക്ഷതവഹിച്ചു. കെപിസിസി സെക്രട്ടറി ടി.യു. രാധാകൃഷ്ണന്‍ മുഖ്യപ്രഭാഷണം നടത്തി. സംഘാടക സമിതി ചെയര്‍മാന്‍ പോള്‍ പി. പറമ്പി, മിമിക്രി കലാകാരന്‍ കലാഭവന്‍ ജോബി, കായലില്‍ വീണ വിദ്യാര്‍ഥിയെ രക്ഷപ്പെടുത്തിയ അരുണ്‍ ക്ലീറ്റസ് എന്നിവരെ ആദരിച്ചു. ഒന്നര ലക്ഷം രൂപയുടെ ജീവകാരുണ്യനിധി വിതരണം ചെയ്തു.

പോള്‍ പി. പറമ്പി, മഹിള കോണ്‍ഗ്രസ് സംസ്ഥാന ജനറല്‍ സെക്രട്ടറി മേരി നളന്‍, ഡിസിസി സെക്രട്ടറിമാരായ വി.ഒ. പൈലപ്പന്‍, കെ. ജയിംസ് പോള്‍, യൂത്ത് കോണ്‍ഗ്രസ് സംസ്ഥാന സെക്രട്ടറി ഷോണ്‍ പല്ലിശേരി, ഡെന്നീസ് ഡിക്കോസ്റ്റ, എബി ജോര്‍ജ്, തോമസ് മണ്ടി, മേഴ്‌സി ഫ്രാന്‍സിസ്, കാടുകുറ്റി പഞ്ചായത്ത് പ്രസിഡന്റ് തോമസ് കണ്ണത്ത്, ആല്‍വിന്‍ പൗലോസ്, ബിജു എസ്. ചിറയത്ത്, ഷിബു വാലപ്പന്‍ എന്നിവര്‍ പ്രസംഗിച്ചു.
ഇന്ത്യന്‍ നാഷണല്‍ ഓവര്‍സീസ് കോണ്‍ഗ്രസ് കണ്‍വന്‍ഷനും സമാദരണ സദസ്സും നടത്തിഇന്ത്യന്‍ നാഷണല്‍ ഓവര്‍സീസ് കോണ്‍ഗ്രസ് കണ്‍വന്‍ഷനും സമാദരണ സദസ്സും നടത്തി
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക