Image

സഹോദരിയെ അപമാനിച്ചതിന്‌ പരാതി നല്‍കിയ യുവാവിനെ ബസിലിട്ട്‌ വെട്ടിക്കൊന്നു

Published on 13 June, 2018
സഹോദരിയെ അപമാനിച്ചതിന്‌ പരാതി നല്‍കിയ യുവാവിനെ   ബസിലിട്ട്‌ വെട്ടിക്കൊന്നു


സഹോദരിയെ അപമാനിച്ചയാള്‍ക്കെതിരെ പരാതി നല്‍കിയ പതിനെട്ടുകാരനെ ഓടിക്കൊണ്ടിരുന്ന ബസിനുള്ളിലിട്ട്‌ വെട്ടിക്കൊന്നു. യുവാവിന്റെ ബന്ധു കൂടിയായ പ്രതിയെ പൊലീസ്‌ അറസ്‌റ്റ്‌ ചെയ്‌തു.
പൂനെയിലെ ഖേദ്‌ തെഹ്‌സിലില്‍ ചൊവ്വാഴ്‌ച രാവിലെയാണ്‌ സംഭവം.

പ്രതി പെണ്‍കുട്ടിയുടെ ചിത്രങ്ങള്‍ സമൂഹമാധ്യമങ്ങളിലൂടെ മോശമായ രീതിയില്‍ പ്രചരിപ്പിച്ചിരുന്നു. ഇതേ തുടര്‍ന്നാണ്‌ പെണ്‍കുട്ടിയുടെ മാതാപിതാക്കള്‍ പൊലീസില്‍ പരാതി നല്‍കി. ഇതില്‍ പ്രകോപിതനായ പ്രതി യുവാവിനെ കൊലപ്പെടുത്തുകയായിരുന്നു.

സംഭവദിവസം ബസില്‍ യാത്ര ചെയ്യുകയായിരുന്ന യുവാവിനെ പിന്നിലൂടെ എത്തിയ പ്രതി വെട്ടി പരിക്കേല്‍പ്പിച്ചു. ആക്രമണത്തിന്‌ പിന്നാലെ ഇയാള്‍ രക്ഷപ്പെടുകയും ചെയ്‌തു.

യുവാവിനെ ഉടന്‍ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഇതിനിടെ പ്രതി പിടിയിലായി. പരാതി നല്‍കിയതിലുള്ള വൈരാഗ്യമാണ്‌ ആക്രമണത്തിന്‌ കാരണമെന്ന്‌ പൊലീസ്‌ വ്യക്തമാക്കി.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക