ഗയ: ബീഹാറില് ഡോക്ടറെ മരത്തില്
കെട്ടിയിട്ട് ഭാര്യയെയും മകളെയും കൂട്ടബലാത്സംഗം ചെയ്തു. ഗയ ജില്ലയിലെ
സോന്ദിഹ ഗ്രാമത്തിലാണ് ആയുധമേന്തിയ ഇരുപത് പേരടങ്ങുന്ന സംഘം അതിക്രമം
കാട്ടിയത്. ബുധനാഴ്ച രാത്രിയായിരുന്നു സംഭവം.
ഇരുചക്രവാഹനത്തില് ഭാര്യയ്ക്കും മകള്ക്കുമൊപ്പം യാത്രചെയ്യുകയായിരുന്ന
ഡോക്ടറെ അക്രമി സംഘം തടഞ്ഞുനിര്ത്തി. തുടര്ന്ന് ഡോക്ടറെ ക്രൂരമായി
മര്ദ്ദിച്ച ശേഷം മരത്തില് കെട്ടിയിട്ടു. തുടര്ന്ന് ഭാര്യയെയും മകളെയും
അടുത്തുള്ള വയലില് കൊണ്ടുപോയി കൂട്ടബലാത്സംഗത്തിന് ഇരയാക്കുകയായിരുന്നു.
സംഭവവുമായി ബന്ധപ്പെട്ട് 20 യുവാക്കള് പിടിയിലായിട്ടുണ്ടെന്ന് ഗയ എസ്എസ്പി
രാജീവ് മിശ്ര പറഞ്ഞു. സംഭവം നടക്കുമ്പോള് പ്രതികളില് രണ്ടുപേര് ഒഴികെ
ബാക്കിയെല്ലാവരും മുഖം മറച്ചിരുന്നു. മുഖം മറയ്ക്കാത്ത രണ്ടുപേരെയും
അക്രമത്തിനിരയായവര് തിരിച്ചറിഞ്ഞതായും എസ്എസ്പി പറഞ്ഞു. ഇവര് കുറ്റം
സമ്മതിച്ചിട്ടുണ്ട്.
സംഭവത്തിനു ശേഷം പ്രതികള് ഡോക്ടറുടെ കെട്ടഴിച്ചുവിടുകയും പോലീസിനെ
അറിയിച്ചാല് കൊന്നുകളയുമെന്ന് ഭീഷണിപ്പെടുത്തുകയും ചെയ്തു. എന്നാല്
ഡോക്ടര് തന്റെ ഫോണില്നിന്ന് പോലീസിനെ വിവരമറിയിക്കുകയായിരുന്നു.
തുടര്ന്ന് പോലീസെത്തിയ ശേഷമാണ് ഇവരെ ആശുപത്രിയില് പ്രവേശിപ്പിച്ചത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല