യുവാവിനെ മര്ദ്ദിച്ച സംഭവം, കെ.ബി. ഗണേശ് കുമാര് എം.എല്.എയ്ക്കെതിരെ മുഖ്യമന്ത്രിയ്ക്ക് പരാതി നല്കി
Published on 15 June, 2018
കാറിന് സൈഡ് കൊടുത്തില്ലെന്നാരോപിച്ച് യുവാവിനെ മര്ദ്ദിച്ച സംഭവത്തില് കെ.ബി. ഗണേശ് കുമാര് എം.എല്.എയ്ക്കെതിരെ മുഖ്യമന്ത്രി പിണറായി വിജയന് പരാതി നല്കി. മര്ദ്ദനമേറ്റ അഞ്ചല് സ്വദേശി അനന്തകൃഷ്ണനും അമ്മ ഷീനയുമാണ് പരാതി നല്കിയത്. സംഭവത്തില് കെ.ബി. ഗണേശ് കുമാര് എം.എല്.എയ്ക്ക് വേണ്ടി പൊലീസ് ഒത്തുകളിക്കുന്നുവെന്ന് ആരോപണം ഉയര്ന്നിരുന്നു. പരാതിക്കാരനായ അനന്തകൃഷ്ണനും അമ്മ ഷീനയ്ക്കുമെതിരെ ജാമ്യമില്ലാക്കുറ്റം ചുമത്തി കേസെടുത്തപ്പോള് ഗണേഷ് കുമാറിനെതിരെ നിസാര കുറ്റങ്ങള് മാത്രമാണ് ചുമത്തിയിരിക്കുന്നതെന്നായിരുന്നു ആരോപണം. അനന്തകൃഷ്ണന് ആദ്യം പരാതി നല്കിയിട്ടും കേസെടുത്തപ്പോള് പരാതി കൊടുത്തത് ഗണേഷ് കുമാറായി മാറി. മാരകായുധം കൊണ്ടു ദേഹോപദ്രവമേല്പ്പിച്ചെന്നത് അടക്കമുള്ള കുറ്റങ്ങളാണ് അനന്തകൃഷ്ണനും ഷീനയ്ക്കുമെതിരെയുള്ളത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല