ഞാന് റോമയുടെ സെക്രട്ടറി തോമസ് ജോര്ജ് (റെജി). വ്യക്തിപരമായി എനിക്കാരോടും ശത്രുതയില്ല. ഇലക്ഷന് രണ്ടു ദിവസങ്ങള് മാത്രം അകലെ നില്കുമ്പോള് ഞാന് എന്റെ മനസ് തുറക്കട്ടെ?
ന്യൂയോര്ക്കില് നടന്ന ന്യൂ യോര്ക്ക് ടീമിനു സപ്പോര്ട്ട് കൊടുത്തു നടത്തിയ മീറ്റിങ്ങില് ഞങ്ങളെ ക്ഷണിച്ചിരുന്നില്ല. ഇവിടെ നിന്നും പോകാന് മനസു കാണിച്ച വ്യക്തിയെപ്പോലും മീറ്റിംഗില് പങ്കെടുക്കാന് അനുവദിച്ചില്ല എന്ന് കേട്ടു. ഇതുകേട്ടപ്പോള് എനിക്ക് വലിയ വിഷമം തോന്നി. മിഡ് ഹഡ്സണില് നിന്ന് പോലും ആരും പങ്കെടുത്തതായി അറിയില്ല. ആറേഴു സംഘടനകള് ഉള്ള ഈ റീജിയനില് പങ്കെടുത്തതു വെറും രണ്ടു അസ്സോസിയേഷനുകള് മാത്രം.
ഈ റീജിയനെ ഒന്നിച്ചു കൊണ്ടുപോകാന് സാധിക്കാത്ത സ്ഥാനാര്ഥിക്ക് എങ്ങനെ ന്യൂയോര്ക്കില് കണ്വെന്ഷന് കൊണ്ടുവരാന് ആകും. സ്ഥാനാര്ഥി ജനകീയനാകണം, സര്വ സമ്മതന് ആയിരിക്കണം, സ്വാര്ത്ഥ താല്പര്യങ്ങള്ക്കു അടിമപ്പെടാന് പാടില്ല. അതാണ് നേതാവ്. രണ്ടായിരത്തി ഇരുപത്തിരണ്ടില് ന്യൂജേഴ്സിയില് കണ്വെന്ഷന് വരാന് പോകുന്നു എന്ന് കേള്ക്കുന്നു. അപ്പോള് കണ്വെന്ഷന് ന്യൂയോര്ക്കില് വരുന്നതിനുള്ള സാധ്യത കുറവല്ലേ?
പടലപ്പിണക്കങ്ങളും ഗ്രൂപ്പിസവും മറ്റുമുള്ള ന്യൂയോര്ക്കില് നിന്നും മറ്റൊരിടത്തേക്കേ മാറ്റുന്നതല്ലേ വരുന്ന കണ്വെന്ഷന്റെ സുഗഗമായ നടത്തിപ്പിന് ആവശും? പാനലുകളും ഗ്രൂപ്പുകളും അവിടെ നില്ക്കട്ടെ! അര്ഹതയുള്ളവര് ജയിക്കട്ടെ! സമയമുള്ളവര് മുന്പോട്ടു വരട്ടെ! സ്ഥലമല്ല പ്രധാനം, സൗകര്യമുള്ള സിറ്റികള് വേണ്ടേ? ന്യൂയോര്ക്കില് കൊണ്ടുവന്നു ഏതെങ്കിലുമുള്ള പ്രാന്ത പ്രദേശത്തു കൊണ്ടുവന്നിട്ടു കാര്യം ഉണ്ടോ? എവിടെയായാലും ഞങ്ങള് വരാന് തയാര്.
തോമസ് ജോര്ജ് (റെജി)
റോമാ അസോസിയേഷന് സെക്രട്ടറി
moonnu divasam karangi nadakkum. Ithreollu Kridartha!