തിരുവനന്തപുരം: വരാപ്പുഴ കസ്റ്റഡി മരണക്കേസ്‌ സിബിഐക്ക്‌ വിടാത്തതില്‍ പ്രതിഷേധിച്ച്‌ പ്രതിപക്ഷം നിയമസഭയില്‍ നിന്ന്‌ ഇറങ്ങിപ്പോയി. സര്‍ക്കാര്‍ സഭയെ തെറ്റിദ്ധരിപ്പിച്ചെന്ന്‌ പ്രതിപക്ഷ നേതാവ്‌ രമേശ്‌ ചെന്നിത്തല പറഞ്ഞു. ആലുവ റൂറല്‍ എസ്‌പിയായിരുന്ന എ.വി. ജോര്‍ജിനെ സര്‍ക്കാര്‍ രക്ഷിക്കാന്‍ ശ്രമിക്കുകയാണ്‌. ശ്രീജിത്തിന്റെ കുടുംബം ആവശ്യപ്പെട്ടത്‌ സിബിഐ അന്വേഷണമാണ്‌. അത്‌ നടപ്പിലാക്കണമെന്നും ചെന്നിത്തല പറഞ്ഞു.


ലോക്കപ്പ്‌ മരണത്തെ ലാഘവത്തോടെ കാണുന്നില്ലെന്നും ശ്രീജിത്തിന്റെ കുടുംബം അന്വേഷണത്തില്‍ തൃപ്‌തി അറിയിച്ചിട്ടുണ്ടെന്നും മുഖ്യമന്ത്രി പിണറായി വിജയന്‍ സഭയില്‍ പറഞ്ഞു.