അനുവാദമില്ലാതെ തോട്ടത്തിലെ മാമ്പഴം പറിച്ചതിന്‌ പന്ത്രണ്ട്‌ വയസ്സുകാരനെ തോട്ടം ഉടമ വെടിവെച്ച്‌ കൊന്നു. തലയ്‌ക്ക്‌ വെടിയേറ്റ കുട്ടി തല്‍ക്ഷണം മരിച്ചു. ബിഹാറിലെ കഖാരിയ ജില്ലയില്‍ വ്യാഴാഴ്‌ചയാണ്‌ ഈ ദാരുണ സംഭവം അരങ്ങേറിയത്‌.

കഖാരിയ ജില്ലയിലെ ഷെര്‍ഗാര്‍ഹ്‌ ഗ്രാമത്തില്‍ കളിച്ചുകൊണ്ടിരിക്കുകയായിരുന്ന കുട്ടി മാമ്പഴം പറിക്കാനായി തോട്ടത്തില്‍ പ്രവേശിച്ചു. മാമ്പഴം പറിച്ചുകൊണ്ടിരിക്കുന്ന കുട്ടിയെ കണ്ട്‌ തോട്ടം ഉടമ വെടിയുതിര്‍ക്കുകയായിരുന്നു. തലയ്‌ക്ക്‌ വെടിയേറ്റ പന്ത്രണ്ട്‌ വയസ്സുകാരന്‍ സംഭവസ്ഥലത്ത്‌ തന്നെ മരിച്ചു.