ആക്രമിക്കപ്പെട്ട നടി ഉള്‍പ്പെടെ `അമ്മ'യില്‍ നിന്നും നാല്‌ നടിമാര്‍ രാജി വച്ച സംഭവത്തില്‍ `അമ്മ' പ്രസിഡന്റ്‌ മോഹന്‍ലാലിന്റെ കോലം എ.ഐ.വൈ.എഫ്‌ പ്രവര്‍ത്തകര്‍ കത്തിച്ചു. കൊച്ചിയില്‍ ഫിലിം ചേമ്പര്‍ ആസ്ഥാനത്താണ്‌ പ്രതിഷേധം സംഘടിപ്പിച്ചത്‌.
എ.ഐ.വൈ.എഫ്‌ എറണാകുളം ജില്ലാഘടകമാണ്‌ പ്രതിഷേധം നടത്തിയത്‌. മോഹന്‍ലാല്‍ ചിത്രങ്ങളുടെ ഷൂട്ടിങ്ങ്‌ എറണാകുളത്ത്‌ എവിടെയുണ്ടെങ്കിലും അത്‌ തടയുമെന്ന്‌ എ.ഐ.വൈ.എഫ്‌ ജില്ലാ ജോയിന്റ്‌ സെക്രട്ടറി സുനില്‍ കുമാര്‍ പറഞ്ഞു. ഇരയ്‌ക്കും വേട്ടക്കാരനുമൊപ്പം നില്‍ക്കുന്ന രീതി അംഗീകരിക്കാനാവില്ലെന്നും ഇവര്‍ വ്യക്തമാക്കി.