Image

എസ്‌.ഡി.പി.ഐ ഇത്ര വര്‍ഗീയവാദികളാണെന്ന്‌ അറിഞ്ഞിരുന്നില്ലെന്ന്‌ പിസി ജോര്‍ജ്‌

Published on 04 July, 2018
എസ്‌.ഡി.പി.ഐ ഇത്ര വര്‍ഗീയവാദികളാണെന്ന്‌ അറിഞ്ഞിരുന്നില്ലെന്ന്‌ പിസി ജോര്‍ജ്‌


മഹാരാജാസ്‌ കോളേജില്‍ പോപ്പുലര്‍ ഫ്രണ്ട്‌, ക്യാമ്പസ്‌ ഫ്രണ്ട്‌ പ്രവര്‍ത്തകര്‍ അരുംകൊല ചെയ്‌ത അഭിമന്യുവിന്റെ ഘാതകര്‍ക്കെതിരെ പിസി ജോര്‍ജ്‌ എംഎല്‍എ. എസ്‌.ഡി.പി.ഐ ഇത്ര വര്‍ഗീയവാദികളാണെന്ന്‌ അറിഞ്ഞില്ലെന്നും ഇനി അവരുമായി ഒരു ബന്ധവുമില്ലെന്നും ജനപക്ഷം നേതാവ്‌ കൂടിയായ പി.സി. ജോര്‍ജ്‌ വ്യക്തമാക്കി.



എസ്‌.ഡി.പി.ഐയെ എല്ലാ രാഷ്ട്രീയക്കാരും സഹായിച്ചിട്ടുണ്ട്‌. താനും സഹായിച്ചിട്ടുണ്ടെന്ന്‌ ജോര്‍ജ്‌ വ്യക്തമാക്കി. കലാലയ രാഷ്ട്രീയം നിരോധിച്ചതാണ്‌ മഹാരാജാസിലെ കൊലപാതകത്തിന്‌ കാരണം. കൊലപാതകത്തിന്‌ പിന്നില്‍ തീവ്രവാദ ബന്ധമുണ്ടെന്നും പി.സി. ജോര്‍ജ്‌ ആരോപിച്ചു.

അതേസമയം എസ്‌ഡിപിഐ അരുംകൊല ചെയ്‌ത മഹാരാജാസ്‌ കോളജ്‌ വിദ്യാര്‍ത്ഥി അഭിമന്യുവിന്റെ കൊലപാതകത്തില്‍ പ്രതികള്‍ക്കായി സംസ്ഥാന വ്യാപകമായി റെയ്‌ഡ്‌. കേസില്‍ പ്രതികളായ അഞ്ച്‌ എസ്‌ഡിപിഐ പ്രവര്‍ത്തകരെ ഇടുക്കിയില്‍ വണ്ടിപ്പെരിയാറിലും പീരുമേട്ടില്‍ നിന്നുമായി അറസ്റ്റ്‌ ചെയ്‌തു. ആലപ്പുഴയില്‍ നൂറോളം പോപ്പുലര്‍ ഫ്രണ്ട്‌ പ്രവര്‍ത്തകരെ കരുതല്‍ തടങ്കലില്‍ വെച്ചിരിക്കുകയാണ്‌.

അഭിമന്യുവിന്റെ കൊലപാതകത്തില്‍ വന്‍ ഗൂഢാലോചയുണ്ടായിട്ടുണ്ടെന്ന്‌ റിമാന്‍ഡ്‌ റിപ്പോര്‍ട്ട്‌. കേസിലാകെ 15 പ്രതികളാണുള്ളതെന്നും റിപ്പോര്‍ട്ടില്‍ വ്യക്തമാക്കുന്നു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക