`അഭിമന്യൂ വധം; പ്രതികളില്‍ ആറുപേര്‍ കൊച്ചി സ്വദേശികള്‍`
Published on 06 July, 2018
കൊച്ചി: എറണാകുളം മഹാരാജാസ്‌ കോളജിലെ ബിരുദ വിദ്യാര്‍ഥിയും എസ്‌എഫ്‌ഐ ഇടുക്കി ജില്ലാക്കമ്മറ്റി അംഗവുമായിരുന്ന അഭിമന്യുവിനെ കൊലപ്പെടുത്തിയ സംഘത്തിലെ പ്രതികളെക്കുറിച്ചുള്ള വ്യക്തമായ വിവരങ്ങള്‍ ലഭിച്ചെന്ന്‌ പോലീസ്‌. പ്രതികളില്‍ ആറു പേര്‍ കൊച്ചി നെട്ടൂര്‍ സ്വദേശികളാണെന്ന്‌ പോലീസ്‌ അധികൃതര്‍ വ്യക്തമാക്കി. ഇവര്‍ക്കായുള്ള തെരച്ചില്‍ ഊര്‍ജിതമാക്കിയിട്ടുണ്ടെന്നും ഇവര്‍ എത്താന്‍ സാധ്യതയുള്ള സ്ഥലങ്ങള്‍ കേന്ദ്രീകരിച്ചാണ്‌ തെരച്ചില്‍ നടക്കുന്നതെന്നുമാണ്‌ വിവരം.
അഭിമന്യുവിനെ കൊന്നത്‌ 15 അംഗ സംഘമാണെന്ന്‌ എഫ്‌ഐആറില്‍
വ്യക്തമാക്കിയിരുന്നു. സംഘത്തില്‍ ഉള്‍പ്പെട്ട 14 പേരും പുറത്തുനിന്നുള്ളവരാണെന്നും
കൊല നടത്തിയതു കറുത്ത മുഴുക്കയ്യന്‍ ഷര്‍ട്ടിട്ട പൊക്കം കുറഞ്ഞയാളാണെന്നുമാണ്‌
പോലീസ്‌ എഫ്‌ഐആറില്‍ രേഖപ്പെടുത്തിയിട്ടുള്ളത്‌.
കോളജ്‌ വിദ്യാര്‍ഥിയായ
മുഹമ്മദാണ്‌ കേസില്‍ ഒന്നാം പ്രതി. 15 പ്രതികളില്‍ രണ്ട്‌ മുഹമ്മദുമാര്‍ ഉണ്ടെന്നും
പോലീസ്‌ വ്യക്തമാക്കിയിരുന്നു. ഒരാള്‍ കോളജിലെ വിദ്യാര്‍ഥിയും മറ്റേയാള്‍
പുറത്തുനിന്നെത്തിയവരുടെ കൂട്ടത്തില്‍ ഉള്‍പ്പെട്ട ആളുമാണ്‌. അഭിമന്യുവിനെ
കൊലപ്പെടുത്തുന്നതിനു മുമ്പായി അക്രമിസംഘം രണ്ടു തവണ മഹാരാജാസ്‌ കോളജ്‌ കാമ്പസ്‌
പരിസരത്ത്‌ എത്തിയിരുന്നതായും എഫ്‌ഐആറില്‍ പറഞ്ഞിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala