ദിവ്യ എസ്‌ അയ്യര്‍ പതിച്ചു നല്‍കിയത്‌ സര്‍ക്കാര്‍ ഭൂമി തന്നെ; ഏറ്റെടുക്കാന്‍ കളക്ടറുടെ നിര്‍ദ്ദേശം
Published on 12 July, 2018
വര്‍ക്കലയില്‍ തിരുവനന്തപുരം മുന്‍ സബ്‌ കളക്ടറും ശബരീനാഥ്‌ എംഎല്‍എയുടെ ഭാര്യയുമായ ദിവ്യ എസ്‌. അയ്യര്‍ സ്വകാര്യ വ്യക്തിക്ക്‌ കൈമാറിയത്‌ സര്‍ക്കാര്‍ ഭൂമി തന്നെയെന്ന്‌ കളക്ടറുടെ റിപ്പോര്‍ട്ട്‌. ഇതു സംബന്ധിച്ച്‌ കളക്ടര്‍ ഡോ. വാസുകി ഭൂമി ഏറ്റെടുക്കുന്നതിന്‌ സര്‍വ്വേ തുടങ്ങാന്‍ റവന്യു ഉദ്യോഗസ്ഥര്‍ക്ക്‌ നിര്‍ദ്ദേശം നല്‍കി.
ഭൂമിയും രേഖകളും പരിശോധിച്ചതില്‍നിന്ന്‌ 27 സെന്റ്‌ ഭൂമി സര്‍ക്കാരിന്‌ അവകാശപ്പെട്ടതാണെന്ന്‌ വ്യക്തമായിട്ടുണ്ട്‌. 27 സെന്റ്‌ ഭൂമി സ്വകാര്യവ്യക്തിക്ക്‌ കൈമാറിയ ദിവ്യ എസ്‌. അയ്യരുടെ നടപടി തെറ്റായിരുന്നെന്ന്‌ നേരത്തെ തന്നെ റിപ്പോര്‍ട്ടുകള്‍ വന്നിരുന്നു.
വി.ജോയ്‌ എംഎല്‍എയാണ്‌ ദിവ്യയ്‌ക്കെതിരെ പരാതി നല്‍കിയിരുന്നത്‌. ഭൂമി നല്‍കിയത്‌ ഭൂവിനിയോഗ നിയമം അനുസരിച്ചാണെന്നായിരുന്നു ദിവ്യയുടെ വിശദീകരണം. സംഭവം വിവാദമായതോടെ ദിവ്യ എസ്‌ അയ്യരെ സബ്‌ കല്‌കടര്‍ സ്ഥാനത്തു നിന്നും മാറ്റുകയും ചെയ്‌തിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala