കലഹാരി (പെന്സില്വേനിയ): ശാസ്ത്രീയ സംഗീത മധുരിമയില് ക്രൈസ്തവദര്ശനം ഉയര്ത്തിപ്പിടിച്ച ജോജോ വയലിലിന്റെ സുഗന്ധസംഗീതം ഫാമിലി കോണ്ഫറന്സിന്റെ ആദ്യ ദിവസത്തെ ഭക്തിസാന്ദ്രമാക്കി. ലൈവ് ഓര്ക്കസ്ട്രയുടെ അകമ്പടിയോടെ നിറഞ്ഞ സദസ്സിനെ കൈയിലെടുത്തു കൊണ്ടാണ് ജോജോ വയലില് കച്ചേരി അവതരിപ്പിച്ചത്. ശാസ്ത്രീയ ഗാനങ്ങളുടെ അന്തഃസത്ത ഉള്ക്കൊണ്ടു പാടിയ ക്രൈസ്തവ കീര്ത്തനങ്ങള് നിറഞ്ഞ കൈയടികളോടെയാണ് സംഗീതപ്രേമികള് എതിരേറ്റത്.
കച്ചേരിക്ക് അകമ്പടിയേകിയത് സുഭാഷ്കുമാര് (മൃദംഗം), റോണി (തബല), ജോര്ജ് (വയലിന്), വിജു (കീബോര്ഡ്) എന്നിവരാണ്. ശബ്ദ നിയന്ത്രണം നാദം സൗണ്ട്സ്. തോമസ് വറുഗീസ് (സജി) എംസിയായിരുന്നു. കോണ്ഫറന്സിന്റെ ചരിത്രത്താളുകളില് സ്ഥാനം ഉറപ്പിച്ചാണ് ജോജോ കച്ചേരി അവസാനിപ്പിച്ചത്.