വിശ്വരൂപം 2' ഓഗസ്റ്റ 10ന്‌ തീയേറ്ററുകളില്‍
Published on 20 July, 2018
ഉലകനായകന്‍ കമല്‍ഹാസന്‍ ചിത്രം `വിശ്വരൂപം 2'വിന്റെ പുതിയ പോസ്റ്റര്‍ പുറത്തിറങ്ങി. അഞ്ച്‌ വര്‍ഷത്തെ കാത്തിരിപ്പിന്‌ ശേഷം ഓഗസ്റ്റ 10ന്‌ ചിത്രം തീയേറ്ററുകളിലെത്തും. ആഗോള ഭീകരവാദത്തിന്റെ പശ്ചാത്തലത്തില്‍ ഒരു കശ്‌മീരി മുസ്ലീം ഉദ്യോഗസ്ഥന്റെ പ്രവര്‍ത്തനവും വെല്ലുവിളികളുമാണ്‌ ചിത്രത്തിന്റെ പ്രമേയം.
വിസാം അഹമ്മദ്‌ കശ്‌മീരി എന്ന റോ ഏജന്റിന്റെ വേഷത്തിലാണ്‌ കമല്‍ ഹാസന്‍ സ്‌ക്രീനില്‍ തിരിച്ചെത്തുന്നത്‌. ജൂണില്‍ ചിത്രത്തിന്റെ ട്രെയിലര്‍ പുറത്തുവിട്ടിരുന്നു. ആദ്യഭാഗത്തില്‍ നിന്ന്‌ വ്യത്യസ്ഥമായി ചിത്രത്തിന്റെ ഭൂരിഭാഗവും ചിത്രീകരിച്ചത്‌ അമേരിക്കയിലാണ്‌.
കമല്‍ സംവിധാനം ചെയ്യുന്ന വിശ്വരൂപം 2വിന്‌ സംഗീതം ഒരുക്കിയിരിക്കുന്നത്‌ ജിബ്രാന്‍ ആണ്‌. നാലാം തവണയാണ്‌ ജിബ്രാനും കമല്‍ ഹാസനും ഓന്നിക്കുന്നത്‌. രാജ്‌ കമല്‍ ഫിലിംസ്‌ ഇന്റര്‍നാഷണല്‍, ആസ്‌കാര്‍ ഫിലിംസും ചേര്‍ന്നാണ്‌ ചിത്രം നിര്‍മ്മിക്കുന്നത്‌. പൂജ കുമാര്‍, ആന്‍ഡ്രിയ ജെറമിയ, ശേഖര്‍ കപൂര്‍,രാഹുല്‍ ബോസ്‌,ജയ്‌ദീപ്‌ അഹ്ലാവത്‌,നാസര്‍, തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala