ഗസല് ഗായകന് ഉമ്പായി (68) അന്തരിച്ചു. ആലുവയിലെ സ്വകാര്യ ആസ്പത്രിയില് വൈകീട്ട് 4.40 നായിരുന്നു അന്ത്യം. കാന്സര് ബാധിച്ച് ചികിത്സയിലായിരുന്നു.മലയാള ഗസ്സല് ഗായകരില് പ്രമുഖനാണ് പി.എ. ഇബ്രാഹിം എന്ന ഉമ്പായി. നിരവധി പഴയ ചലച്ചിത്ര ഗാനങ്ങള് ഉമ്പായി തന്റെ തനതായ ഗസല് ആലാപന ശൈലികൊണ്ട് പുനരാവിഷ്കരിച്ചിട്ടുണ്ട്.
പാടുക സൈഗാള്,ഒരിക്കല് നീ പറഞ്ഞൂ.. തുടങ്ങിയവയാണ് അദ്ദേഹത്തിന്റെ പ്രശസ്തമായ ഗസലുകള്. 20 ഓളം ഗസല് ആല്ബങ്ങള് പുറത്തിറക്കിയിട്ടുണ്ട്. 1988 ലാണ് ആദ്യ ഗസല് ആല്ബം പുറത്തിറക്കിയത്. ജയചന്ദ്രനുമായി ചേര്ന്ന് നോവല് എന്ന സിനിമയ്ക്ക് സംഗീതം നല്കിയിട്ടുണ്ട്.