ഇതേതുടര്‍ന്ന്‌ വൈദ്യുതി മന്ത്രി എം.എം.മണിയുടേയും വനം മന്ത്രി കെ.രാജുവിന്റേയും നേതൃത്വത്തിലാകും ഇടുക്കിയില്‍ അവലോകന യോഗം ചേരുക. ഇടുക്കിയില്‍ ഇറങ്ങാന്‍ കഴിയാതിരുന്നതിനെ തുടര്‍ന്ന്‌ മുഖ്യമന്ത്രിയും സംഘവും വയനാട്ടിലേക്ക്‌ തിരിച്ചു. മുഖ്യമന്ത്രിക്കൊപ്പം റവന്യൂ മന്ത്രി ഇ.ചന്ദ്രശേഖരന്‍, പ്രതിപക്ഷ നേതാവ്‌ രമേശ്‌ ചെന്നിത്തല, ചീഫ്‌ സെക്രട്ടറി ടോം ജോസ്‌, ഡി.ജി.പി ലോക്‌നാഥ്‌ ബെഹ്‌റ എന്നിവരുമുണ്ട്‌.

വയനാട്ടില്‍ എത്തുന്ന സംഘം സുല്‍ത്താന്‍ ബത്തേരി, പനമരം എന്നിവിടങ്ങളില്‍ സന്ദര്‍ശനം നടത്തും. പിന്നീട്‌ കോഴിക്കോട്ടെത്തി ഹെലികോപ്‌റ്ററില്‍ ഇന്ധനം നിറച്ച ശേഷം എറണാകുളത്തേക്ക്‌ തിരിക്കും. അവിടുത്തെ പ്രളയബാധിത പ്രദേശങ്ങള്‍ സന്ദര്‍ശിക്കും.