പത്തനംതിട്ട: പ്രളയക്കെടുതിയില്‍ തകര്‍ന്ന പമ്പാനദിക്കരയില്‍ സൈന്യം രണ്ട്‌ ബെയ്‌ലി പാലങ്ങള്‍ നിര്‍മ്മിക്കും. സെപ്‌തംബര്‍ 15ന്‌ മുമ്പ്‌ ഇതിന്റെ പണികള്‍ പൂര്‍ത്തീകരിക്കുമെന്നാണ്‌ സൂചന. ഇതുമായി ബന്ധപ്പെട്ട്‌ സൈന്യവും പോലീസും ദേവസ്വം ഉദ്യോഗസ്ഥരും നടത്തിയ ചര്‍ച്ചയില്‍ സൈനിക ആസ്ഥാനവുമായും കേന്ദ്ര പ്രതിരോധ സെക്രട്ടറിയുമായും ചര്‍ച്ച നടത്താന്‍ ദേവസ്വം സെക്രട്ടറി കെ.ആര്‍.ജ്യോതിലാലിനെ ചുമതലപ്പെടുത്തി.