പ്രൊഫ . പി സി എലിയാസ് മലങ്കര ഓർത്തഡോൿസ് സഭയുടെ മധുരമായ ശബ്ദമായിരുന്നു. കലുഷിതമായ കാലപ്പകർച്ചയിൽ, വേദനിക്കുന്ന സത്യങ്ങളെ മാറോടു ചേർത്ത് വച്ചു മധുരമായി നുകരുന്ന ആ ശബ്ദം നിലച്ചു. വിജയത്തിന്റെ അഹങ്കാരമില്ലാത്ത വിനയമായ മധുഭാഷണം ഒരു പക്ഷേ, തണുപ്പൻ പ്രതികരണമാണെന്നു ചിലർ തെറ്റിദ്ധരിച്ചു. നേട്ടങ്ങളെ നിയതിത്രിതമായ വാക്കുകളിൽ പക്വമായി പ്രതികരിക്കാൻ ഒരു പാഠപുസ്തകമായി മാറി അദ്ദേഹത്തിന്റെ വാക്കുകൾ. അമേരിക്കൻ ഭദ്രാസനത്തിലെ വാർഷീക കുടുംബ മേളയിൽ മുഖ്യ പ്രഭാഷകനായി വരുന്നതുവരെ അദ്ദേഹത്തെ അറിയില്ലായിരുന്നു. തുടക്ക വാക്കുകളിൽതന്നെ അനുവാചകരുടെ മനം കവരാൻ അദ്ദേഹത്തിന് കഴിഞ്ഞിരുന്നു. അമേരിക്കയിൽ അന്ന് 'ഈസി പാസ് ' എന്ന ഇലക്രോണിക് സ്പീഡ് ടോൾ സംവിധാനം വന്നു തുടങ്ങിയതേയുള്ളൂ. കോൺഫെറെൻസിൽ എത്തുന്നതിനു മുൻപ് കുറെ 'ഈസി പാസ് ' കടന്നു എന്നും എല്ലാം ഈസി ആയി തിരഞ്ഞെടുക്കാനുള്ള അമേരിക്കക്കാരുടെ ജീവിത വീക്ഷണത്തെപ്പറ്റി പരാമർശിച്ചു കൊണ്ടുള്ള ആ പ്രസംഗം കാലമേറെ ആയിട്ടും മനസ്സിൽ മുഴങ്ങി നിൽക്കുന്നു. ഒരു കാരണവരെ പ്പോലെ ദേവലോക പൂമുഖത്തു തുടിച്ചുനിന്ന പ്രകാശം വിസ്മൃതിയിലായി. കാലത്തിനു പകരം വയ്ക്കാനാവാത്ത ചില ജനുസ്സുകളിൽ ഒന്ന് വിടവാങ്ങി. നനുത്ത ഓർമ്മ അവശേഷിപ്പിച്ചുകൊണ്ടു..വിട .-  കോരസൺ.