പാലക്കാട്‌: പീഡന ആരോപണത്തില്‍ പാര്‍ട്ടി അന്വേഷണം നേരിടുന്ന ഷൊര്‍ണൂര്‍ എംഎല്‍എ പികെ ശശി മണ്ഡലത്തിലെ പൊതുപരിപാടികള്‍ റദ്ദാക്കി. അനാരോഗ്യം കാരണമാണ്‌ പരിപാടികള്‍ റദ്ദാക്കിയതെന്നാണ്‌ വിശദീകരണം.

ശശിക്കെതിരെ ചില സംഘനകള്‍ കഴിഞ്ഞ ദിവസം തെരുവില്‍ പ്രതിഷേധവുമായി രംഗത്തെത്തിയിരുന്നു. പരസ്യപ്രസ്‌താവനകള്‍ നടത്തുന്നതില്‍നിന്നും പാര്‍ട്ടി ശശിയെ വിലക്കിയിട്ടുമുണ്ട്‌. പികെ ശശി പീഡിപ്പിച്ചുവെന്ന ഡിവൈഎഫ്‌ഐ ജില്ലാ കമ്മറ്റി വനിത അംഗത്തിന്റെ പരാതിയില്‍ പാര്‍ട്ടി അന്വേഷണം നടത്തിവരികയാണ്‌