പത്തനാപുരം: കൊല്ലം പത്തനാപുരത്ത്‌ കന്യാസ്‌ത്രീയെ കിണറ്റില്‍ മരിച്ച നിലയില്‍ കണ്ടെത്തി. പത്തനാപുരം മൗണ്ട്‌ താബോര്‍ ദയറാ കോണ്‍വെന്റിലെ സിസ്റ്റര്‍ സൂസന്‍ മാത്യുവിനെയാണ്‌ മരിച്ച നിലയില്‍ കണ്ടെത്തിയത്‌. പത്തനാപുരം സെന്റ്‌ സ്റ്റീഫന്‍സ്‌ സ്‌കൂളിലെ അധ്യാപികയാണ്‌ സൂസന്‍.
സിസ്റ്ററിന്റെ മുറിയില്‍ നിന്ന്‌ കിണറ്റിലേക്കുള്ള വഴിയിലും രക്തപ്പാടുകളും വലിച്ചിഴച്ച പാടുകളുമുണ്ട്‌. മൃതദേഹത്തിന്റെ മുടി മുറിച്ച നിലയിലാണ്‌. മുടിയുടെ മുറിച്ച ഭാഗം മുറിയിലും കണ്ടെത്തിയിട്ടുണ്ട്‌. മുറിയില്‍ ഒറ്റയ്‌ക്കാണ്‌ കന്യാസ്‌ത്രീ താമസിച്ചിരുന്നത്‌.