Image

പി.സി ജോര്‍ജിനെതിരെ കന്യാസ്‌ത്രീയുടെ കുടുംബം പരാതി നല്‍കും

Published on 09 September, 2018
പി.സി ജോര്‍ജിനെതിരെ കന്യാസ്‌ത്രീയുടെ കുടുംബം പരാതി നല്‍കും
കൊച്ചി: ബിഷപ്പ്‌ ഫ്രാങ്കോ മുളയ്‌ക്കലിനെതിരെ പീഡന പരാതി നല്‍കിയ കന്യാസ്‌ത്രീയുടെ കുടുംബം അപകീര്‍ത്തികരമായ പരാമര്‍ശത്തിന്റെ പേരില്‍ പി.സി ജോര്‍ജ്‌ എം.എല്‍.എയ്‌ക്കെതിരെ പരാതി നല്‍കും. നിയമസഭാ സ്‌പീക്കര്‍ക്കും പോലീസിനും ദേശീയ വനിതാ കമ്മീഷനും പരാതി നല്‍കുമെന്ന്‌ കന്യാസ്‌ത്രീയുടെ ബന്ധുക്കള്‍ മാധ്യമങ്ങളോട്‌ പറഞ്ഞു.


പി.സി ജോര്‍ജിന്റെ പരാമര്‍ശം വേദനിപ്പിച്ച സാഹചര്യത്തില്‍ ഞായറാഴ്‌ച മാധ്യമങ്ങളെ കാണാനുള്ള തീരുമാനത്തില്‍നിന്ന്‌ കന്യാസ്‌ത്രീ പിന്‍മാറിയതായും ബന്ധുക്കള്‍ അറിയിച്ചു. നീതി ലഭിക്കുമെന്ന പ്രതീക്ഷയിലാണ്‌ കന്യാസ്‌ത്രീ കേസുമായി മുന്നോട്ടുപോകുന്നത്‌. നീതിതേടി അവരുടെ സഹപ്രവര്‍ത്തകര്‍ തെരുവിലിറങ്ങി.

ഈ സാഹചര്യത്തിലാണ്‌ തിരഞ്ഞെടുക്കപ്പെട്ട ജനപ്രതിനിധി മോശമായ പരാമര്‍ശം നടത്തിയതെന്ന്‌ കന്യാസ്‌ത്രീയുടെ സഹോദരന്‍ പറഞ്ഞു. കടുത്ത മാനസിക പ്രയാസമുണ്ടായ സാഹചര്യത്തിലാണ്‌ മാധ്യമങ്ങളെ കാണുന്നതില്‍നിന്ന്‌ പിന്മാറുന്നത്‌. മാനസിക പ്രയാസം മാറിയാല്‍ കന്യാസ്‌ത്രീ മാധ്യമങ്ങള്‍ക്ക്‌ മുന്നിലെത്തുമെന്നും ബന്ധുക്കള്‍ പറഞ്ഞു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക