ജോഷിയുടെ രക്തത്തിലായിരുന്നു രണ്ടാമത്തെ വില്ലന്‍വേഷം. ഐവി ശശിയുടെ ആവനാഴിയിലെ സത്യരാജിലൂടെ ക്യാപ്‌ടന്‍ രാജു വീണ്ടും മലയാളികളെ ഞെട്ടിച്ചു. ടി ദാമോദരന്റെ തിരക്കഥയില്‍ ഒരുങ്ങിയ മള്‍ട്ടി സ്റ്റാര്‍ ചിത്രം അതിരാത്രത്തിലൂടെ നായക പ്രാധാന്യമുള്ള വേഷത്തിലും ക്യാപ്‌ടന്‍ രാജു തിളങ്ങി. പി പത്മരാജന്റെ ഈ തണുത്ത വെളുപ്പാന്‍ കാലത്തിലും നായക തുല്യമായ വേഷമാണ്‌ ചെയ്‌തത്‌.
 ശ്രദ്ധിക്കപ്പെടാതെ പോയ ഒരു പാട്‌ ചിത്രങ്ങളില്‍ രാജു നായക വേഷവും ചെയ്‌തിരുന്നു. വില്ലനും നായകനുമായി തിളങ്ങി നില്‍ക്കുന്നതിനിടെയാണ്‌ സത്യന്‍ അന്തിക്കാട്‌ശ്രീനിവാസന്‍ ടീമിന്റെ നാടോടിക്കാറ്റില്‍ പവനായി എന്ന വില്ലനായി ക്യാപ്‌ടന്‍ രാജു എത്തിയത്‌.