എറണാകുളം: കേരളത്തില്‍ നിന്ന്‌ ഒരു ലക്ഷം യുവാക്കളെ ആയിരം ദിവസം കൊണ്ട്‌ ത്രിശൂല്‍ ദീക്ഷ നല്‍കുമെന്ന്‌ ഹിന്ദു ഹെല്‍പ്‌ ലൈന്‍ നേതാവ്‌ പ്രതീഷ്‌ വിശ്വനാഥ്‌. ഫേസ്‌ബുക്കിലൂടെയായിരുന്നു പ്രതീഷിന്റെ പ്രഖ്യാപനം.

ഹിന്ദു സ്വാഭിമാനം സംരക്ഷിക്കുന്നതിനായി ഇറങ്ങിത്തിരിക്കുന്ന ഒരു ലക്ഷം യുവാക്കള്‍ക്ക്‌ രാഷ്ട്രീയ ബജ്രംഗ്‌ദള്‍ വഴി ആയിരം ദിവസം കൊണ്ട്‌ ത്രിശൂല്‍ ദീക്ഷ നല്‍കുമെന്നാണ്‌ പ്രതീഷ്‌ പറയുന്നത്‌. നേരത്തെ നിരവധി കലാപങ്ങള്‍ക്ക്‌ ആഹ്വാനം ചെയ്‌ത വിശ്വഹിന്ദു പരിഷത്തിന്റെ നേതാവായിരുന്ന പ്രവീണ്‍ തൊഗാഡിയയുടെ നേതൃത്വത്തില്‍ ആരംഭിച്ച ഹിന്ദു ഹെല്‍പ്‌ ലൈനിന്റെ രാഷ്ട്രീയരൂപമായ അന്താരാഷ്ട്രീയ ഹിന്ദു പരിഷത്ത്‌ എന്ന സംഘടനയുടെ നാഷണല്‍ സെക്രട്ടറി എന്ന്‌ പറഞ്ഞു കൊണ്ടാണ്‌ പ്രതീഷ്‌ പോസ്റ്റിട്ടത്‌.

ഹിന്ദു ഹെല്‍പ്‌ ലൈന്‍ കേരളത്തില്‍ കലാപങ്ങള്‍ നടത്താന്‍ പദ്ധതിയിട്ടെന്ന വാര്‍ത്തകള്‍ക്ക്‌ ബലം പകരുന്നതാണ്‌ ആയുധവിതരണവുമായി ബന്ധപ്പെട്ട്‌ പ്രതീഷ്‌ വിശ്വനാഥിന്റെ പോസ്റ്റ്‌.