സുഖമൊരു സുന്ദരവികാരം, സ്വതസ്സിദ്ധം,
സുലഭം, സാധാരണം, കാമിക്കും കാന്തഗുണം!
അനുരാഗത്തിലതു പടരും പരിമളം,
ആത്മാവില് നിറയും അനുപമസായൂജ്യം!
സുഖം എപ്പോഴും തരും മോഹം, അഭിനിവേശം,
സുഭഗ ജീവിതത്തില് ശ്കതിരൂപാന്തരം!
ലീലാ വിലാസത്തിലതു മാദകലഹരി,
ലൈംഗികതയുടെ സിരകളില് ജ്വലനം!
സുഖത്തിലുണ്ടന്ധത, കേമിക്കും കാമകല,
സാഹസികപ്രയാണം, ആകര്ഷണം, പ്രേമം,
സരസമീപനം, നടനം, പ്രലോഭനം,
സ്വല്പംബലാല്ക്കാരം, വശീകരണ തന്ത്രം!
സുഖാസക്തിക്കില്ല സത്യം, സമദര്ശനം,
സനാതനസ്നേഹം, സഹൃദയം, സംയമനം!
സുഖവഴികളിലുണ്ടനര്ത്ഥം, ചതിക്കുഴി,
സ്വാര്ത്ഥശബ്ദം, ദ്രോഹം, ചോരപ്പുഴ!
സുഖത്തിനുംവേണം ശുദ്ധിയുടെ കടിഞ്ഞാല്,
സ്വച്ഛമാം മനസ്സാക്ഷിയില് സൂക്ഷിക്കുവാന്.
ഭൗതികസുഖങ്ങളുടെയും, മറയുംമായ,
ആത്മീയസുഖമതു സുകൃതം, ദൈവദത്തം!