പീഡന ആരോപണത്തില് ഷൊര്ണൂര് എംഎല്എ പി.കെ. ശശിയ്ക്കെതിരെ കേസെടുക്കാനാകില്ലെന്ന് പൊലീസ്.
പെണ്കുട്ടിയോ ബന്ധുക്കളോ പരാതിയോ മൊഴിയോ നല്കിയിട്ടില്ല എന്ന കാരണത്താല് ഇക്കാര്യം വ്യക്തമാക്കി തൃശൂര് റേഞ്ച് ഐജി ഡിജിപിക്ക് റിപ്പോര്ട്ട് നല്കുകയും ചെയ്തു. കൂടാതെ, പെണ്കുട്ടിയെ നേരില് കണ്ട് ചോദിച്ചിട്ടും പരാതി ഉന്നയിച്ചില്ലെന്നും മാധ്യമ വാര്ത്തകളുടെ അടിസ്ഥാനത്തില് മാത്രമാണ് പരാതികളുള്ളത് എന്നും പൊലീസ് വ്യക്തമാക്കി. പെണ്കുട്ടിക്ക് പരാതിയില്ലെങ്കില് കേസെടുക്കാനാവില്ലെന്നാണ് നിയമോപദേശം ലഭിച്ചതെന്നും ഐജിയുടെ റിപ്പോര്ട്ടില് വ്യക്തമാക്കുന്നു.
ഡിജിപിക്ക് ലഭിച്ച ഒരു കൂട്ടം പരാതികളാണ് പ്രാഥമിക അന്വേഷണത്തിനായി തൃശൂര് റേഞ്ച് ഐജിക്ക് നല്കിയത്. പാലക്കാട് എസ്പിയുടെ നേതൃത്വത്തിലായിരുന്നു പ്രാഥമിക അന്വേഷണം നടന്നത്. തുടര്ന്നാണ് ഐജി റിപ്പോര്ട്ട് സമര്പ്പിച്ചത്.