പത്തനംതിട്ട: സുപ്രീം കോടതി വിധിയില് പ്രതിഷേധിച്ച് നിലയ്ക്കലില് പര്ണശാല കെട്ടി സമരം ആരംഭിച്ചു. ശബരിമല ആചാര സംരക്ഷണ സമിതിയാണ് നിലയ്ക്കലില് രാപ്പകല് സമരം തുടങ്ങിയത്.
കേരളം മുഴുവന് പ്രതിഷേധമുയര്ന്നിട്ടും വിഷയത്തില് സര്ക്കാരിന്റെ ഭാഗത്തുനിന്ന് വിശ്വാസികള്ക്ക് അനുകൂലമായ നടപടികളൊന്നുമില്ലെന്ന് സമരസമിതി ചൂണ്ടിക്കാണിച്ചു.
സര്ക്കാര് സുപ്രീം കോടതിയില് നല്കിയ സത്യവാങ്മൂലം വസ്തുതാവിരുദ്ധമാണെന്നും കോടതിയെ തെറ്റിദ്ധരിപ്പിച്ചെന്നും സമര സമിതി ആരോപിച്ചു. ആചാരം ലംഘിച്ച് കടന്ന് വരുന്ന സ്ത്രീകളെ ബോധവല്ക്കരിക്കുമെന്നും സമരസമിതി വ്യക്തമാക്കി