കണ്ണൂര്‍: പ്രളയാനന്തര കേരള നിര്‍മ്മിതിക്കായി പൊതുജനങ്ങളില്‍ നിന്നും ബക്കറ്റ്‌ പിരിവിലൂടെ സി.പി.എം സ്വരൂപിച്ച തുക എത്തേണ്ടിടത്ത്‌ എത്തി എന്നതിന്‌ തെളിവുണ്ടോ എന്ന്‌ വി.ടി.ബല്‍റാം എം.എല്‍.എ. പതിനെട്ട്‌ കോടിയോളം രൂപയാണ്‌ പൊതുജനം പിരിവായി നല്‍കിയതെന്ന്‌ പാര്‍ട്ടി പുറത്ത്‌ വിട്ട രേഖകള്‍ സൂചിപ്പിക്കുന്നത്‌.

അതേ സമയം ഈ തുക പ്രാദേശിക ഘടകങ്ങള്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക്‌ കൈമാറിയതാണ്‌ സംശയം ജനിപ്പിക്കുന്നത്‌. ഈ തുക ചേര്‍ത്ത്‌ വച്ച്‌ പാര്‍ട്ടി സംസ്ഥാന സെക്രട്ടറി നേരിട്ട്‌ മുഖ്യമന്ത്രിക്ക്‌ നല്‍കിയിരുന്നുവെങ്കില്‍ ഈ ആരോപണങ്ങള്‍ ഒഴിവാക്കാനാവുമായിരുന്നുവെന്നും വി.ടി.ബല്‍റാം ഫേസ്‌ബുക്ക്‌ പോസ്റ്റില്‍ കുറിക്കുന്നു.