ഭുവനേശ്വര്‍: ബംഗാള്‍ ഉള്‍ക്കടലില്‍ രൂപം കൊണ്ട്‌ തിത്‌ലി ചുഴലിക്കാറ്റ്‌ ഒഡീഷ തീരത്തെത്തി. ഗോപാല്‍പൂര്‍ മേഖലയില്‍ 150 കിലോ മീറ്റര്‍ വേഗതയിലുണ്‌ കാറ്റ്‌ വീശുന്നത്‌. 165 കിലോ മീറ്റര്‍ വേഗതയില്‍ വരെ കാറ്റടിക്കുമെന്നാണ്‌ കാലാവസ്ഥാ നിരീക്ഷണ കേന്ദ്രം നല്‍കുന്ന മുന്നറിയിപ്പ്‌.

സുരക്ഷാ മുന്‍കരുതല്‍ എന്ന നിലയില്‍ ഒഡിഷ തീരമേഖലയില്‍ നിന്ന്‌ മൂന്ന്‌ ലക്ഷം പേരെ ഒഴിപ്പിച്ചു. ഒഡിഷയില്‍ വിവിധ സ്ഥലങ്ങളിലായി 836 ക്യാമ്പുകള്‍ തുറന്നു. മുന്നൂറോളം ബോട്ടുകളും സജ്ജമാക്കി നിര്‍ത്തിയിട്ടുണ്ട്‌. വേണ്ടിവന്നാല്‍ പട്ടാളത്തിന്റെ സഹായം തേടും.