Image

ശബരിമല യുവതിപ്രവേശനം, റിപ്പോര്‍ട്ടിന്റെ കാര്യത്തില്‍ ചൊവ്വാഴ്ച തീരുമാനമെന്ന് എ. പദ്മകുമാര്‍

Published on 22 October, 2018
ശബരിമല യുവതിപ്രവേശനം, റിപ്പോര്‍ട്ടിന്റെ കാര്യത്തില്‍ ചൊവ്വാഴ്ച തീരുമാനമെന്ന് എ. പദ്മകുമാര്‍

തിരുവനന്തപുരം: ശബരിമല യുവതി പ്രവേശന വിഷയത്തില്‍ സുപ്രീംകോടതിയെ സമീപിക്കുന്നതുമായി ബന്ധപ്പെട്ട് ചര്‍ച്ച തുടരുകയാണെന്ന് ദേവസ്വം ബോര്‍ഡ് പ്രസിഡന്റ് എ. പദ്മകുമാര്‍. കോടതിയില്‍ ഏത് രീതിയില്‍ റിപ്പോര്‍ട്ട് സമര്‍പ്പിക്കണമെന്ന കാര്യത്തില്‍ നാളെ തീരുമാനിക്കുമെന്ന് അദ്ദേഹം പറഞ്ഞു.

വിഷയത്തില്‍ ചര്‍ച്ചകള്‍ തുടരുകയാണെന്നും നിയമവിദഗ്ധര്‍ മറ്റുചില അഭിപ്രായങ്ങളും പറഞ്ഞിട്ടുണ്ടെന്നും എ. പദ്മകുമാര്‍ മാധ്യമങ്ങളോട് പറഞ്ഞു. വിഷയത്തെ വളരെ ഗൗരവത്തോടെയാണ് ദേവസ്വംബോര്‍ഡ് കാണുന്നത്. മറ്റ് ദോഷങ്ങള്‍ ഉണ്ടാകാത്ത വിധത്തില്‍ എന്താണ് സുപ്രീംകോടതിയില്‍ ചെയ്യാന്‍ കഴിയുന്നതെന്ന് വെച്ചാല്‍ അത് നാളത്തെ ബോര്‍ഡ് മീറ്റിങ്ങിന് ശേഷം ദേവസ്വം കമ്മീഷണര്‍ തന്നെ ചെയ്യണം എന്നാണ് ഇപ്പോള്‍ തീരുമാനിച്ചിരിക്കുന്നതെന്നും പദ്മകുമാര്‍ വ്യക്തമാക്കി.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക