മോഹന്‍ലാല്‍ ചിത്രം 'ഡ്രാമാ' രണ്ടാം വാരത്തിലേക്ക്‌
Published on 09 November, 2018
ലോഹത്തിന്‌
ശേഷം സംവിധായകന്‍ രഞ്‌ജിതും മോഹന്‍ലാലുമൊന്നിച്ച ചിത്രം ഡ്രാമാ മികച്ച
പ്രതികരണങ്ങള്‍ നേടി രണ്ടാം വാരത്തിലേക്ക്‌. മനോഹരമായ ഒരു ഹാസ്യ
കുടുംബചിത്രമെന്നാണ്‌ പ്രേക്ഷകര്‍ അഭിപ്രായപ്പെടുന്നത്‌. സംവിധായകന്‍ ജോണി
ആന്റണിയുടെ അഭിനയവും ഏറെ പ്രശംസിക്കപ്പെടുന്നുണ്ട്‌.
ഡ്രാമയിലൂടെ ഒരു മികച്ച
അഭിനേതാവു കൂടി ജനിച്ചുവെന്നാണ്‌ പ്രതികരണങ്ങള്‍. മോഹന്‍ലാല്‍ ബൈജു കോമ്പിനേഷന്‍
സീനുകളും രസകരമാണെന്ന്‌ പ്രേക്ഷകര്‍ പങ്കുവെയ്‌ക്കുന്നു.
ലണ്ടനില്‍ ഫ്യൂണറല്‍ ഡയറക്ടര്‍ ആയി ജോലി ചെയ്യുന്ന രാജഗോപാല്‍ എന്ന കഥാപാത്രമായാണ്‌ മോഹന്‍ലാല്‍ എത്തുന്നത്‌. കുറച്ചു കാലമായി പ്രേക്ഷകര്‍ക്ക്‌ അന്യമായിരുന്ന ലാലിന്റെ തമാശകളും കുസൃതികളുമെല്ലാം ഈ ചിത്രത്തിലൂടെ പ്രേക്ഷകര്‍ക്ക്‌ മുന്നിലേക്ക്‌ എത്തിയെന്നാണ്‌ പൊതുവേയുള്ള പ്രേക്ഷക വിലയിരുത്തല്‍.
ആശാ ശരത്ത്‌, കനിഹ, ബൈജു, രഞ്‌ജി പണിക്കര്‍, ശ്യാമപ്രസാദ്‌, ജോണി ആന്റണി, ദിലീഷ്‌ പോത്തന്‍ തുടങ്ങിയവരാണ്‌ ചിത്രത്തില്‍ അഭിനയിക്കുന്നത്‌. വര്‍ണ്ണചിത്ര ഗുഡ്‌ ലൈന്‍ പ്രൊഡക്ഷന്‍സ്‌, ലിലിപാഡ്‌ മോഷന്‍ പിക്‌ചര്‍സ്‌ എന്നിവയുടെ ബാനറില്‍ എം കെ നാസ്സര്‍, മഹാ സുബൈര്‍ എന്നിവര്‍ ചേര്‍ന്നാണ്‌ ഡ്രാമ നിര്‍മ്മിച്ചിരിക്കുന്നത്‌. വിനു തോമസാണ്‌ സംഗീതം. ഛായാഗ്രഹണം അഴകപ്പന്‍.
റിലീസിന്‌ മുമ്പേ മുടക്കുമുതലിന്റെ മുക്കാല്‍ ഭാഗവും ചിത്രം തിരിച്ച്‌ പിടിച്ചിരുന്നു. ചിത്രത്തിന്റെ സാറ്റലൈറ്റ്‌ അവകാശം ആറു കോടി 25 ലക്ഷം രൂപമുടക്കി സൂര്യ ടിവി സ്വന്തമാക്കിയിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala