കൊച്ചി: ശബരിമല സന്ദര്ശിക്കാനായി ഭൂമാതാ ബ്രിഗേഡ് നേതാവ് തൃപ്തി ദേശായിയും സംഘവും കേരളത്തിലെത്തി. വെള്ളിയാഴ്ച പുലര്ച്ചെ 4.45 ഓടെ നെടുമ്പാശ്ശേരി വിമാനത്താളത്തിലെത്തിയ തൃപ്തിക്കും സംഘത്തിനും പ്രതിഷേധത്തെത്തുടര്ന്ന് നാലു മണിക്കൂറിന് ശേഷവും പുറത്തിറങ്ങാന് കഴിഞ്ഞിട്ടില്ല. എന്ത് വന്നാലും ശബരിലയില് കയറിയിട്ടെ മടങ്ങുകയുള്ളുവെന്ന നിലപാടിലാണ് തൃപ്തി ദേശായി. പോലീസുമായി സഹകരിക്കാന് തയ്യാറാണെന്നും പോലീസ് നിര്ദേശിക്കുന്ന സ്ഥലത്ത് താമസിക്കാന് തയ്യാറാണെന്നും തൃപ്തി ദേശായ് അറിയിച്ചിട്ടുണ്ട്. നിലയ്ക്കലിലെത്തിയാല് സുരക്ഷ നല്കാന് തയ്യാറാണെന്ന് പോലീസ് തൃപ്തിയെ അറിയിച്ചിട്ടുണ്ട്.