Image

ജോധ്‌പൂര്‍ ഉമൈദ്‌ ഭവന്‍ പാലസില്‍ പ്രിയങ്ക- നിക്‌ ജൊനാസ്‌ വിവാഹം നടന്നു

Published on 02 December, 2018
 ജോധ്‌പൂര്‍ ഉമൈദ്‌ ഭവന്‍ പാലസില്‍ പ്രിയങ്ക- നിക്‌ ജൊനാസ്‌ വിവാഹം നടന്നു

ബോളിവുഡ്‌ കാത്തിരുന്ന പ്രിയങ്ക ചോപ്ര- നിക്ക്‌ ജോനാസ്‌ വിവാഹം ഇന്നലെ നടന്നു. ജോധ്‌പൂര്‍ ഉമൈദ്‌ ഭവന്‍ പാലസില്‍ നടന്ന ചടങ്ങില്‍ ക്രിസ്റ്റ്യന്‍ രീതിയിലായിരുന്നു വിവാഹം. ഡിസൈനര്‍ റാഫ്‌ ലോറന്‍ ക്രിയേഷന്‍സ്‌ ഡിസൈന്‍ ചെയ്‌ത വസ്‌ത്രങ്ങളാണ്‌ ദമ്പതികള്‍ ധരിച്ചിരുന്നത്‌.

ഇരുവരും മെഹന്തി ചടങ്ങുകളുടെ ചിത്രങ്ങള്‍ തങ്ങളുടെ ഒഫീഷ്യല്‍ ഇന്‍സ്റ്റഗ്രാം അക്കൗണ്ടുകളിലൂടെ സമൂഹമാധ്യമങ്ങളില്‍ ഷെയര്‍ ചെയ്‌തു.


പ്രീ വെഡ്ഡിംഗ്‌ ആഘോഷങ്ങള്‍ വെള്ളിയാഴ്‌ചയോടെ തന്നെ തുടങ്ങിയിരുന്നു. പിങ്ക്‌ ലെഹങ്കയണിഞ്ഞാണ്‌ പ്രിയങ്ക സംഗീത്‌ ചടങ്ങുകള്‍ക്കെത്തിയത്‌. പ്രിയങ്കയും നിക്കും അതിഥികള്‍ക്കു വേണ്ടി പെര്‍ഫോം ചെയ്‌തു. അടുത്ത ദിവസങ്ങളില്‍ തന്നെ ഹിന്ദു ആചാരപ്രകാരമുള്ള വിവാഹ ചടങ്ങുകളും നടക്കും.


അംബാനി കുടുംബത്തിലെ എല്ലാവരുടെയും സാനിധ്യം പരിപാടിയില്‍ ഉണ്ടായിരുന്നു. ഗണേഷ്‌ ഹെഡ്‌ജ്‌, സന്ദീപ്‌ ഖോസ്‌ല, മിക്കി കോണ്‍ട്രാക്ടര്‍, അര്‍പ്പിത ഖാന്‍, ജാസ്‌മിന്‍ വാലിയ ഹോളിവുഡ്‌ നടി എലിസബത്ത്‌ ചേമ്പേഴ്‌സ്‌ എന്നിവരും പരിപാടിയില്‍ സന്നിഹിതരായിരുന്നു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക