Image

ഇന്ത്യ പ്രസ് ക്ലബ്ബ് മാധ്യമശ്രീ പുരസ്‌കാരരാവ് ; ദിലീപ് വര്‍ഗീസ് ഗ്രാന്‍ഡ് സ്‌പോണ്‍സര്‍

സുനില്‍ തൈമറ്റം Published on 07 December, 2018
ഇന്ത്യ പ്രസ് ക്ലബ്ബ് മാധ്യമശ്രീ പുരസ്‌കാരരാവ് ; ദിലീപ് വര്‍ഗീസ് ഗ്രാന്‍ഡ് സ്‌പോണ്‍സര്‍
ഇന്ത്യ പ്രസ് ക്ലബ് ഓഫ് നോര്‍ത്ത് അമേരിക്ക 2019  ജനുവരി 13 ഞായറാഴ്ച വൈകീട്ട് 6ന് 
കൊച്ചിയിലെ ബോള്‍ഗാട്ടി പാലസ് ഹോട്ടലില്‍ നടത്തുന്ന മാധ്യമശ്രീ പുരസ്‌കാരദാന ചടങ്ങിന് അമേരിക്കയിലെ പ്രമുഖ വ്യവസായി ദിലിപ് വര്‍ഗീസ് ഗ്രാന്‍ഡ് സ്‌പോണ്‍സര്‍.

പ്രസ് ക്ലബ് രൂപംകൊണ്ട അന്നു മുതല്‍ ദിലിപ് വര്‍ഗീസ് പ്രസ് ക്ലബിന്റെ
 സഹയാത്രികനാണ്. തികഞ്ഞ മാധ്യമ സ്‌നേഹിയായ അദ്ദേഹം ഇതുവരെ നടന്ന എല്ലാ
 കോണ്‍ഫറന്‍സുകളിലും സ്‌പോണ്‍സര്‍ ആയിരുന്നു. കൊച്ചിയില്‍ 2013 ല്‍
 നടന്ന മാധ്യമശ്രീ പുരസ്‌കാരദാന ചടങ്ങിന്റെ  പ്രധാന സ്‌പോണ്‍സറുമാരിലൊരാളായിരുന്നു ദിലിപ് വര്‍ഗീസ്.


 ന്യൂജേഴ്‌സിയില്‍ ഡി അന്‍ഡ് കെ കണ്‍സ്ട്രക്ഷന്‍ എന്ന കമ്പനിയുടെ ഉടമസ്ഥനാണ് അദ്ദേഹം. ഗവണ്‍മെന്റ്, മിലിറ്ററി മേഖലകളില്‍ നിരവധി പദ്ധതികള്‍ പൂര്‍ത്തീകരിച്ച് തന്റേതായ വ്യക്തിമുദ്ര പതിപ്പിച്ച വ്യക്തിയാണ് ദിലിപ് വര്‍ഗീസ്.

മാധ്യമസാഹിത്യ രംഗത്തെ പ്രമുഖരായ   ഡോ: ബാബു പോള്‍ , തോമസ് ജേക്കബ്,
കെ,എം റോയ് , ഡോ: എം.വി പിള്ള, അലക്‌സാണ്ടര്‍ സാം എന്നിവര്‍ ചേര്‍ന്നാണ്
 പുരസ്‌കാരങ്ങള്‍ പ്രഖ്യാപിക്കുക.  മാധ്യമശ്രീ പുരസ്‌കാര ജേതാവിന് ഒരു
 ലക്ഷം രൂപയും, പ്രശംസാഫലകവും, മാധ്യമ രത്‌ന  പുരസ്‌കാര ജേതാവിന് 50000
രൂപയും, പ്രശംസാഫലകവും ലഭിക്കും. കൂടാതെ   വിവിധ മേഖലകളില്‍ മികവ്
 തെളിയിച്ച 10  മാധ്യമപ്രവര്‍ത്തകര്‍ക്കും  പുരസ്‌കാരങ്ങള്‍ നല്‍കും.
25000 രൂപയും പ്രശംസാഫലകവുമാണ് ഇവര്‍ക്ക് ലഭിക്കുക.

ഇന്ത്യ പ്രസ് ക്ലബ്ബ് മാധ്യമശ്രീ പുരസ്‌കാരരാവ് ; ദിലീപ് വര്‍ഗീസ് ഗ്രാന്‍ഡ് സ്‌പോണ്‍സര്‍
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക