വാഷിംഗ്ടണ്, ഡി.സി: അറ്റോര്ണി ജനറലായി വില്യം പി. ബറിനെ പ്രസിഡന്റ് ഡൊണള്ഡ് ട്രമ്പ് നോമിനേറ്റ് ചെയ്തു. പ്രസിഡന്റ് ജോര്ജ് ബുഷ് സീനിയറിന്റെ കാലത്ത് (1991-93) ബര് അറ്റോര്ണി ജനറലായിരുന്നു.
ജെഫ് സെഷന്സിനെ പുറത്താക്കിയ ഒഴിവില് ആക്റ്റിംഗ് അറ്റൊര്ണി ജനറല് ആയി മാത്യു വിറ്റേക്കറിനെട്രമ്പ് നിയമിച്ചിരുന്നു.
വിറ്റേക്കറിനെപ്പോലെ തന്നെ പ്രസിഡന്റിന്റെ അധികാരത്തിന്റെ വക്താവാണു ബറും. അതു പോലെ റോബര്ട്ട് മുളറൂടെ റഷ്യന് ഇടപെടല് അന്വേഷണത്തോട് കാര്യമായ അനുഭാവമില്ല താനും. സ്റ്റേറ്റ് സെക്രട്ടറി ആയിരിക്കെപ്രൈവറ്റ് ഈമെയില് സേര്വര് ഉപയോഗിച്ചതിനു ഹിലരി ക്ലിന്റനെതിരെഅന്വേഷണം വേണമെന്ന പ്രസിഡന്റിന്റെ നിലപാടിനോടും യോജിപ്പാണ്.
സ്ഥാനമൊഴിഞ്ഞ ശേഷം വെറൈസന്റെയും മറ്റും അറ്റോര്ണിയായി ബര് പ്രവര്ത്തിച്ചു. ബുഷ് സീനിയറിന്റെ കാലത്ത് ഒട്ടേറെ കുറ്റവാളികള്ക്ക് മാപ്പ് നല്കിയതില് ബറിന്റെ പങ്ക് ചോദ്യം ചെയ്യപ്പെടുന്നുണ്ട്.
ബറിന്റെ നിയമനം സെനറ്റ് അംഗീകരിക്കുമെന്നു റിപ്പബ്ലിക്കന് നേതാക്കള് പറയുന്നു.
ഇതേ സമയ്ം വൈറ്റ് ഹൗസ് ചീഫ് ഓഫ് സ്റ്റാഫ് സ്ഥാനത്തു നിന്നു ജനറല് ജോണ് കെല്ലി വൈകാതെ രാജി വച്ചേക്കും. ട്രമ്പും കെല്ലിയും പരസ്പരം മിണ്ടുക പോലും ചെയ്യാത്ത അവസ്ഥയാണത്രെ. കെല്ലിക്കു പകരം വൈസ് പ്രസിഡന്റിന്റെ ചീഫ് ഓഫ് സ്റ്റാഫ് നിക്ക് അയേഴ്സ്നെ പരിഗനിക്കുന്നു. പ്രസിഡന്റിന്റെ പുത്രി ഇവാങ്കയും ഭര്ത്താവ് ജാരെദ് കുഷ്ണറും അയേഴ്സിനെ പിന്തുണക്കുന്നുണ്ട്.
Making America Great. Tillerson gets his Christmas gift " Dumb as a Rock " comment from President. Berry gets New year gift. Recalled to greater Justice !!