ഹാനോവര് ബാങ്ക് ചൈനാടൗണ് ഫെഡറല് സേവിങ്ങ്സ് ബാങ്കിനെ വാങ്ങുന്നു
Published on 09 December, 2018
ന്യു യോര്ക്ക്: ന്യൂയോര്ക്ക് സിറ്റിയിലും ബ്രൂക്ലിനിലും സണ്സെറ്റ് പാര്ക്കിലും ബ്രാഞ്ചുകള് ഉള്ളചൈനാടൗണ് ഫെഡറല് ബാങ്കിനെ ലോങ്ങ് ഐലന്ഡില് ഉള്ള ഹാനോവര് ബാങ്ക് വാങ്ങുന്നതിനു ധാരണയായി .
മന്ഹാട്ടനിലെ ഏറ്റവും പഴയ ബാങ്കുകളില് ഒന്നായ ചൈനാടൗണ് ഫെഡറല് സേവിങ്ങ്സ് ബാങ്ക് ഏഷ്യന് സമൂഹത്തില് ഏറെസ്വാധീനം ചെലുത്തിയിരുന്നു. ചൈനാടൗണ് ഫെഡറല് ബാങ്ക് വാങ്ങുന്നതോടെ ന്യൂയോര്ക്ക് ട്രൈസ്റ്റേറ്റ് ഭാഗത്തുഹാനോവര് ബാങ്കിന്റെ നിറസാന്നിധ്യം ഇനി ഉണ്ടാകുന്നതാണ്.
അതുപോലെ തന്നെ ഫ്ളഷിങ്ങില് ഹാനോവര് ബാങ്കിന്റെ ബ്രാഞ്ച് തുടങ്ങുവാനായി സ്ഥലം ഏറ്റെടുത്തതായി ബാങ്ക് സി ഇ ഒ മൈക്കിള് പ്യൂര്റോ അറിയിച്ചു.
ഹാനോവര് ബാങ്കിന്റെ വളര്ച്ചക്ക് സഹായിച്ച എല്ലാവര്ക്കും ബാങ്ക് ഡയറക്ടര് ശ്രീ .വര്ക്കിഏബ്രഹാം നന്ദി അറിയിച്ചു. ബാങ്ക് മികച്ച ഫിനാന്ഷ്യല് ഇന്വെസ്റ്റ്മെന്റ് ആണെന്ന് അദ്ദേഹം കൂട്ടിച്ചേര്ത്തു. മുത്തൂറ്റ്ഗ്രൂപ്പിന്റെ ഇന്വെസ്റ്റ്മെന്റും സാന്നിധ്യവും ഈ സാമ്പത്തിക വളര്ച്ചക്ക് ആക്കം കൂട്ടി.
മലയാളികള്ക്ക് അഭിമാനിക്കാവുന്ന ഫിനാന്ഷ്യല് ഇന്സ്ടിട്യൂഷന് ആയി ബാങ്ക് വളര്ന്നതില് അഭിമാനിക്കുന്നു എന്ന് ബാങ്കിന്റെ ഒരു പ്രധാന ഷെയര് ഹോള്ഡര് കൂടിയായ ശ്രീ . ജോണ് ടൈറ്റസ് വ്യക്തമാക്കി. ബാങ്കിന്റെഎക്സിക്യൂട്ടീവ് ടീമിന്റെ ഒന്നിച്ചുള്ള പ്രവര്ത്തനവും കസ്റ്റമേഴ്സിന്റെ ബാങ്കിന്റലുള്ള വിശ്വാസവും അമേരിക്കയിലെ മികച്ച ബാങ്കുകളില് ഒന്നാക്കി ബാങ്കിനെ വളര്ത്തിയതായി സി ഇ ഒ മൈക്കിള് പ്യൂര്റോ പറയുകയുണ്ടായി.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല