Image

പന്തളം ബിജു തോമസിന്റെ നേതൃത്വത്തില്‍ ഫോമാ ന്യൂസ് ടീം രൂപീകരിച്ചു

Published on 10 December, 2018
പന്തളം ബിജു തോമസിന്റെ നേതൃത്വത്തില്‍ ഫോമാ ന്യൂസ് ടീം രൂപീകരിച്ചു

ഡാളസ്: ഫോമായുടെ ദൈന്യംദിന പ്രവര്‍ത്തനങ്ങളുടെ പൂര്‍ണ്ണരൂപം ലോകമലയാളി സമൂഹത്തിലേക്ക്, താമസമില്ലാതെ എത്തിക്കുവാന്‍ വേണ്ടി ഫോമാ ന്യൂസ് ടീം രൂപികരിച്ചു.പബ്ലിക് റിലേഷന്‍സ് ഓഫീസര്‍ പന്തളം ബിജു തോമസിന്റെ നേതൃത്വത്തില്‍ പ്രവര്‍ത്തനമാരംഭിക്കുന്ന ഈ ടീം, ഫോമായുടെ ഔദ്യോഗിക വാര്‍ത്തകള്‍ താമസംവിന എല്ലാ ദൃശ്യ, പത്ര മാധ്യമങ്ങളിലേക്കും എത്തിക്കുന്നതായിരിക്കും.

ഫോമാ ന്യൂസ് ടീമംഗങ്ങളായി, അമേരിക്കന്‍ മലയാളികള്‍ക്ക് വളരെ സുപരിചിതനും, ഇന്ത്യയിലും അമേരിക്കയിലും പത്രപ്രവര്‍ത്തനത്തില്‍ മികവു തെളിയിച്ചിട്ടുള്ള രാജുശങ്കരത്തില്‍ (ഫിലാഡല്‍ഫിയ), പ്രമുഖ സാമൂഹ്യ പ്രവര്‍ത്തകനും വാഗ്മിയുമായ ഡോക്ടര്‍ സാം ജോസഫ് (ഹൂസ്റ്റണ്‍, ടെക്‌സസ്), ബിജു ആന്റണി (മയാമി, ഫ്‌ലോറിഡ), നവമാധ്യമറിപോര്‍ട്ടര്‍ രവിശങ്കര്‍ (കേരളം) എന്നിവരെ നിയോഗിച്ചു.

ഫോമായുടെ വളര്‍ച്ചയില്‍ മാധ്യമങ്ങളുടെ പങ്കു വളരെ വലുതാണ്.

മാധ്യമങ്ങളും, അവയിലൂടെയുള്ള വാര്‍ത്തകളും ജനമനസുകളില്‍ യഥാസമയം നേരിട്ട് എത്തിപ്പെടുന്നില്ലയെങ്കില്‍, ഒരു സമൂഹത്തിന്റെ രാഷ്ട്ര നിര്‍മാണത്തില്‍ന്യൂനപക്ഷങ്ങളുടെ അനിഷേധ്യ സംഭാവനകളെ ആരും അറിയാതെ പോകും. സാമൂഹ്യശാസ്ത്രപരവും, സാംസ്‌കാരികപരവുമായ സമീപനങ്ങള്‍ പിന്തുടര്‍ന്ന്, നമ്മുടെപ്രവാസികള്‍ക്ക് മാര്‍ഗദര്‍ശകമാക്കാവുന്നവിധം, വസ്തുതാപരവും, സൈദ്ധാന്തികവും, രീതിശാസ്ത്രപരവുമായ റിപ്പോര്‍ട്ടുകളാവും പ്രസിദ്ധീകരിക്കുക. അജണ്ട സെറ്റിംഗ്,പ്രൈമിംഗ്, ഫ്രേമിംഗ് എന്നിങ്ങനെയുളള വാര്‍ത്തയുടെ രാഷ്ട്രീയസ്വരൂപങ്ങള്‍ കൈകാര്യം ചെയ്തു പരിചയമുള്ള ഒരു ടീമാണ് ഇപ്പോള്‍ നിലവില്‍ വന്നിരിക്കുന്നത്.

ഫോമായുടെ വാര്‍ത്തകള്‍ വൈകാതെ പ്രസിദ്ധീകരിക്കുവാന്‍ താഴെ പറയുന്ന നമ്പരുകളില്‍ ബന്ധപ്പെടുക.

രാജു ശങ്കരത്തില്‍ (ഫിലാഡല്‍ഫിയ): +1 215 681 9852

ഡോക്ടര്‍ സാം ജോസഫ് (ഹൂസ്റ്റണ്‍, ടെക്‌സസ്): +1 832 441 5085

ബിജു ആന്റണി (മയാമി, ഫ്‌ലോറിഡ): +1 305 924 7726

രവിശങ്കര്‍ (കേരളം): +91 994 639 7942

ഫോമാ ന്യൂസ് ടീം നമ്പര്‍: +1 725 222 4777

പരിചയ സമ്പന്നരായ ഈ ന്യൂസ് ടീം ഫോമായുടെ ശബ്ദമായിരിക്കുമെന്ന് പ്രസിഡന്റ് ഫിലിപ്പ് ചാമത്തിലിനോടൊപ്പം, സെക്രെട്ടറി ജോസ് ഏബ്രഹാം, ട്രഷറര്‍ ഷിനു ജോസഫ്,വൈസ് പ്രസിഡന്റ് വിന്‍സന്റ് ബോസ് മാത്യു, ജോയിന്റ് സെക്രട്ടറി സാജു ജോസഫ്, ജോയിന്റ് ട്രഷറര്‍ ജയിന്‍ കണ്ണച്ചാന്‍പറമ്പില്‍ എന്നിവരും അറിയിച്ചു.

പന്തളം ബിജു തോമസിന്റെ നേതൃത്വത്തില്‍ ഫോമാ ന്യൂസ് ടീം രൂപീകരിച്ചു
Join WhatsApp News
ജോസഫ് മാന്തോപ്പിൽ 2018-12-11 19:15:25
ഇതു  ചുമ്മാ  ഒരു  സൈഡുമാത്രം  കുറിക്കുന്ന  ഫോമയുടെ  ഒരു  പൊക്കി  പൊക്കി  എഴുതു  കൂട്ടം ,  അല്ലെങ്കിൽ  ഒരു  നുണ  കൂലി  പുകഴ്‌ത്തു  കൂട്ടം  മാത്രമാണ് . എന്നാൽ  നിസ്പക്ഷമായി  ഫേമയുടെ  നല്ല  പ്രവർത്തനവും  ചീത്ത  പ്രവർത്തവും  എടുത്തു  കാട്ടി  ഗൗരവത്തിലും തമാശിലും  എഴുതി  ഫോമ  നേർവഴിക്ക്  നയിക്കാൻ  നല്ല  മിടുക്കരായ  എഴുത്തു കാർ  വെളിയിലുണ്ട് . അവരായിരിക്കും  ഫോമയുടെ  മുതൽക്കൂട്ട് . നിങ്ങളുടെ  ആരുടേയും  അനുമതി  ഇല്ലാതെ  അവർക്കു  എഴുതാൻ  സംസാരിക്കാൻ  അവകാശമുണ്ട്  ഫ്രീഡാമുണ്ട് . അല്ലാതെ  ചുമ്മാ  അതു  ചെയ്തു  ഇതു  ചെയ്തു  എന്നും  പറഞ്ഞു  കുറച്ചു  ഫോട്ടോ  ഇടൽ  അല്ല  ഫോമാ  മീഡിയ  പ്രവർത്തനം 
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക