രാജസ്ഥാന് മുഖ്യമന്ത്രിസ്ഥാനം സംബന്ധിച്ച തീരുമാനം നീണ്ടുപോകുന്നതിനിടെ അവസാനഘട്ട ആലോചനകള്ക്കായി അശോക് ഗെഹ്ലോട്ടും സച്ചിന് പൈലറ്റും കോണ്ഗ്രസ് അധ്യക്ഷന് രാഹുല് ഗാന്ധിയെ കണ്ടു. രാഹുലിന്റെ വസതിയിലെത്തിയാണ് ഇവര് ചര്ച്ച നടത്തിയത്. മുഖ്യമന്ത്രിസ്ഥാനം വിട്ടുകൊടുക്കാതെ പൈലറ്റും ഗെഹ്ലോട്ടും ശീതയുദ്ധം തുടര്ന്നതോടെയാണ് രാഹുല് ഇരുവരെയും വെള്ളിയഴ്ച വീണ്ടും വിളിപ്പിച്ചത്. ചര്ച്ചകളില് രാജസ്ഥാനിലെ പാര്ട്ടി കേന്ദ്ര നിരീക്ഷകനായ കെ.സി വേണുഗോപാലും സംസ്ഥാനത്തിന്റെ ചുമതലയുള്ള എഐസിസി ജനറല് സെക്രട്ടറി അവിനാഷ് പാണ്ഡെയും പങ്കെടുത്തു.
മധ്യപ്രദേശ് മുഖ്യമന്ത്രിയെ തെരഞ്ഞെടുക്കാനുള്ള ചര്ച്ചകളില് സജീവമായി പങ്കെടുത്ത പ്രിയങ്ക വാദ്രയും വെള്ളിയാഴ്ചത്തെ ചര്ച്ചകളിലും ഭാഗമായി. ഗെഹ് ലോട്ടും പൈലറ്റുമായും പ്രിയങ്ക പ്രത്യേക ചര്ച്ച നടത്തി. മുഖ്യമന്ത്രി സംബന്ധിച്ച് വെള്ളിയാഴ്ച തന്നെ തീരുമാനം ഉണ്ടാകുമെന്നാണ് അറിയുന്നത്.