ഹാലോ ashih, താന്തോന്നിയായ ഭാര്യയെ നിലക്കു നിർത്താൻ താങ്കൾ മാത്രം മതിയില്ലേ?  അതിന് പൊതുജനം വായിക്കുന്ന ഇ-മലയാളി പത്രം ദുരുപയോഗപ്പെടുത്തണോ? താങ്കളെപ്പോലുള്ള വായനക്കാരുള്ളതുകൊണ്ടാണ് വിജ്ഞാനം പകരുന്ന പല മാദ്ധ്യമങ്ങളുടെയും നിലവാരം കുറഞ്ഞിരിക്കുന്നത്. 

'ക്വീൻ എലിസബത്തിന്റെ അടിഭാഗം നനഞ്ഞിരിക്കുന്ന കാരണമെന്തെന്ന്' കുറേക്കാലങ്ങൾക്ക് മുമ്പ് ഐ എ എസ് പരീക്ഷയ്ക്ക് ഒരു ചോദ്യം ഉണ്ടായിരുന്നുവെന്ന് കേട്ടിട്ടുണ്ട്. അറിവിനെ വെറുക്കുന്ന ആഷിഹിനെപ്പോലുള്ളവർ അത്തരം ചോദ്യങ്ങൾക്ക് ഉത്തരം എഴുതിയാൽ ദുർവിചാരമായിരിക്കും ആദ്യം മനസിൽ പ്രതിഫലിക്കുന്നത്. 'ക്വീൻ എലിസബത്ത്' ഒരു കാലത്ത് ലോകത്തെ ഏറ്റവും വലിയ കപ്പലായിരുന്നു. കപ്പലിന്റെ അടിഭാഗം നനഞ്ഞിരിക്കുന്നുവെന്ന ചിന്ത പരീക്ഷ എഴുതുന്ന ചിലർക്ക് വരണമെന്നില്ല.  

മനസ് ശുദ്ധമാക്കി താങ്കൾ 'പണിക്ക വീട്ടിലിലിന്റെ' ചോദ്യോത്തരങ്ങൾ വായിക്കൂ. താങ്കൾ ഒരു അപ്പനാണെങ്കിൽ ഇത്തരം അറിവുകൾ താങ്കളുടെ മക്കൾക്ക് പ്രയോജനപ്പെടും. മക്കൾ അറിവുള്ളവരെങ്കിൽ തോന്ന്യാസം നടക്കില്ല. പള്ളിയിലും ആത്മാവുണ്ടെന്നുള്ള താങ്കളുടെ വിഡ്ഢിത്വം വായിച്ചപ്പോൾ പൊട്ടിച്ചിരിച്ചുപോയി. ഹാ ഹാ !!!!

യാതൊരു പ്രതിഫലവും ഇച്ഛിക്കാതെ അറിവ് പകരാൻ സുധീർ പണിക്കവീട്ടിൽ തയ്യാറാകുമ്പോൾ അത് നിഷേധിക്കുകയും, അദ്ദേഹത്തിന്റ ഉദ്ദേശ്യ ശുദ്ദിയെ ചോദ്യം ചെയ്യുകയും, അതിനെ പരിഹാസത്തോടെ കാണുകയും ചെയ്യുമ്പോൾ, ആ മനസ്സുകൾക്ക് വിദ്യ വളരെ ആവശ്യമാണെന്നും അഥവാ ഉണ്ടെങ്കിൽ തന്നെ അത് മനസ്സിനെ സംസ്കരിച്ചിട്ടില്ലെന്നും വളരെ വ്യക്തമാണ് .പണമുള്ളതുകൊണ്ട് ഒരുത്തനും മാനിക്കപ്പെടുന്നില്ല . എന്നാൽ വിദ്യയുള്ളവൻ സർവ്വരാലും മാനിക്കപ്പെടുന്നു . ഉള്ളൂർ എസ്‌.പരമേശ്വരയ്യരുടെ ചിന്തോദ്ധീപകമായ കവിത വിദ്യയുടെ മഹത്വത്തെ എടുത്തു കാട്ടുന്നു 

വിത്തമെന്തിനു മർത്ത്യന്നു വിദ്യ കൈവശമാകുകിൽ

വെണ്ണയുണ്ടെങ്കിൽ നറുനെയ്‌ വേറിട്ടു കരുതേണമോ?

വിദ്യവിട്ടു നരന്നാമോ വിശ്വംഭരയിൽ വാഴുവാൻ

ആയുധം കയ്യിലേറാത്തോൻ അടരാടുന്നതെങ്ങനെ?

അജ്ഞനായ്‌ ജീവിതം പോക്കാൻ ആർക്കു ധാർഷ്ട്യമുദിച്ചിടും

വാലും കൊമ്പും വെടിഞ്ഞുള്ള മഹിഷം തന്നെയപ്പുമാൻ

കാണേണ്ടതൊന്നും കണ്ടീടാ; കേൾക്കേണ്ടുന്നതു കേട്ടിടാ

ഓതേണ്ടതോതിടാ; മേവുമജ്ഞനന്ധൈഡമൂകനായ്‌

മണിയും ചരലും കല്ല്; മർത്ത്യൻ വിജ്ഞനുമജ്ഞനും

ഔജ്ജല്യത്തിൻ പ്രഭാവത്താലറിവൂ വേർ തിരിച്ചു നാം

പുറം കണ്ണു തുറപ്പിപ്പൂ പുലർ വേളയിലംശുമാൻ

അകക്കണ്ണു തുറപ്പിക്കാനാശാൻ ബാല്യത്തിലെത്തണം

അന്നമേകുന്നവൻ മോദമപ്പോൾ മാത്രമണച്ചിടും

ആജീവനാന്തമാനന്ദമരുളും വിദ്യ നൽകുവോൻ

കൊണ്ടുപോകില്ല ചോരന്മാർ, കൊടുക്കുംതോറുമേറിടും

മേന്മ നൽകും മരിച്ചാലും വിദ്യതന്നെ മഹാധനം.

അമ്മയ്ക്കൊപ്പം വളർത്തീടും, അഛനൊപ്പം ഹിതം തരും

വേളിക്കൊപ്പം സുഖിപ്പിക്കും; വിദ്യ സർവ്വാർത്ഥസാധകം

തൻ വീട്ടിലജ്ഞനും പൂജ്യൻ; തൻ നാട്ടിലരചാളുവോൻ

വിദ്യാസമ്പന്ന,നാരാദ്ധ്യൻ വിശ്വത്തിങ്കലശേഷവും

പിശുക്കാൽ പിഴുകും ലക്ഷ്മി; പേർത്തും ഗർവ്വാൽ സമുന്നതി

അനഭ്യാസത്തിനാൽ വിദ്യ; യമർഷത്താൽ വിവേകവും.

ബാലൻ തൻ വിദ്യയാലൊറ്റബ്ഭവനത്തിന്നിരുട്ടു പോം

ബാലൻ തൻ വിദ്യയാൽ വായ്ക്കും പ്രകാശം പലവീട്ടിലും.

വൈരമില്ലാ കരം തോറും; മൗക്തികം ശുക്തിയേതിലും

ചന്ദനം കാനനം നീളെ; സംഖ്യാവാനേതു ദിക്കിലും

വിദ്യ തന്നെ പരം നേത്രം, ബുദ്ധിതന്നെ പരം ധനം

ദയ തന്നെ പരം പുണ്യം, ശമം തന്നെ പരം സുഖം

വിശേഷബുദ്ധിയെന്തിന്നു വിരിഞ്ചൻ മർത്ത്യനേകിനാൻ

വിദ്യയാൽ ജ്ഞാനമാർജ്ജിപ്പാൻ, ജ്ഞാനത്താൽ മുക്തി നേടുവാൻ

അനന്തം വിദ്യയാം സിന്ധു, ആയുസ്സത്യന്ത ഭംഗുരം

പരത്തിലെത്തണം താനും, പ്രാപിപ്പാൻ പരമം പദം

അപവർഗ്ഗമിത്തീർത്ഥമാവോളം സേവ ചെയ്തിടാം

ഒക്കും മട്ടീ സമുദ്രത്തി, ലോടിക്കാം കപ്പലെപ്പൊഴും